پاکستان  کے پہلےخواجہ سرانےعالمی اعزاز تک رسائی حاصل کرلی ہے۔

پاکستان کے پہلے خواجہ سرا نایاب علی کوعالمی ایوارڈ کےلیے منتخب کرلیاگیاہے،نایاب علی کوعالمی ایوارڈ دی گالاز 8 فروری کو دیاجائے گا۔

تفصیلا ت کے مطابق ’’دی گالاز ایوارڈ ‘‘ کی تقریب آئرلینڈ کے دارالحکومت ڈبلن میں آٹھ فروری کو منعقد ہوگی، جس میں خواجہ سرا نایاب علی کوایوارڈ سےنوازاجائےگا، نایاب علی پاکستان کے پہلے خواجہ سرا ہیں جنھیں اس ایوارڈ کے لیےمنتخب کیا گیا ہے۔

ایوارڈ کے لیے نامزدگی کےبعدمیڈیا سے گفتگو کرتے ہوئے نایاب علی نے کہا کہ خواجہ سراؤں کے حقوق کےلیےکردارپرانھیں ایوارڈ کے لیے منتخب کیاگیاہے،اس ایوارڈکے لیےمنتخب ہونا ایک بڑااعزاز ہے۔

مذکورہ ایوارڈ کےلیے رواں برس پوری دنیا سے چار لوگوں کو نامزد کیا ہے جن کا تعلق برازیل، قازقستان، کرغزستان اور پاکستان سے ہے۔

اس ایوارڈ کےلیےنامزد خواجہ سرا نایاب علی ایک تعلیم یافتہ شہری ہیں اور ماسٹر ڈگری حاصل کر چکے ہیں، میٹرک کا امتحان اے پلس گریڈ کے ساتھ دیا، این ٹی ایس ٹیسٹ میں کام یاب نہ ہونے کے سبب ڈاکٹر بننے کی خواہش پوری نہ ہو سکی، نایاب علی نے مذہبی تعلیم بھی حاصل کی ہے  ۔

واضح  رہےکہ نایاب علی کوایک افسوس ناک حادثے کاسامنا بھی کرناپڑاتھا،نامعلوم افراد نے نایاب علی  پر تیزاب بھی پھینکاتھا، تاہم اس افسوس ناک واقعے میں ان کا چہرہ توبچ گیا تھا، لیکن ٹھوڑی اور گردن متاثر ہو گئے تھے۔