پاکستان پیپلزپارٹی کے چیئرمین بلاول بھٹو زرداری نے کہا ہے کہ لاڑکانہ کا ہر مسئلہ میرا مسئلہ ہے اور ہم ہر مسئلے کو حل کریں گے۔

تفصیلات کے مطابق لاڑکانہ میں  پاکستان پیپلزپارٹی کے چیئرمین بلاول بھٹو زرداری کی سربراہی میں ڈسٹرکٹ ایگزیکٹو کمیٹی کا اہم اجلاس ہوا۔

ایگزیکٹو کمیٹی کے اجلاس میں ضلع لاڑکانہ کے مسائل کے حوالے سے تفصیلی بات چیت ہوئی۔

اس موقع پر  بلاول بھٹو زرداری نے اجلاس سے خطاب کرتے ہوئے کہا کہ لاڑکانہ شہر دنیا میں ایک اہم سیاسی و تاریخی حیثیت رکھتا ہے۔

پاکستان پیپلزپارٹی کے چیئرمین بلاول بھٹو زرداری نے یہ بھی کہا کہ لاڑکانہ کے مسائل کے حل کے حوالے سے کوئی کوتاہی برداشت نہیں کی جائیگی، ہر مسئلے کو حل کریں گے۔

ایگزیکٹو کمیٹی کے اجلاس میں پی پی پی سپاف، یوتھ، کلچر، ہاری اور ڈاکٹرز سمیت مختلف ونگز کے عہدیداران نے  شرکت کی جبکہ ضلع لاڑکانہ کی تمام ذیلی تنظیموں کے صدور موجود، تمام تعلقہ کے آفس ہولڈرز بھی شریک ہوئے۔

واضح رہے اس سے قبل پیپلز پارٹی کے چیئرمین بلاول بھٹو زرداری نے وفاقی حکومت پر تنقید کرتے ہوئے کہا تھا کہ حکومت نے گندم پیدا کرنے والے ملک کو گندم درآمد کرنے والا ملک بنادیا ہے۔

آٹے کے بحران سے صدر مملکت لاعلم

انہوں نے کہا ہے کہ وفاقی حکومت 40 ہزار میٹرک ٹن گندم افغانستان بھیج کر آٹے کا بحران جان بوجھ کر پیدا کیا ہے۔

پاکستان پیپلزپارٹی کے چیئرمین بلاول بھٹو زرداری یہ بھی کہا تھا کہ عمران خان نے اپنے مخصوص دوستوں کو نوازنے کے لئے آٹے کا بحران پیدا کیا ہے، حکومت کے گودام آٹے سے بھرے ہوئے ہیں مگر عام آدمی کو سپلائی نہیں دی جارہی۔

ان کا کہنا تھا کہ پی ٹی آئی کی وفاقی حکومت گندم کے بحران کی مکمل ذمہ دار ہے اور عمران خان کے نوٹس لینے سے کام نہیں چلے گا، سلیکٹڈ وزیراعظم بری طرح ناکام ہوچکا ہے۔

بلاول بھٹو زرداری نے اپنے بیان میں مزید کہنا تھا کہ عمران خان کی حکومت نے گندم پیدا کرنے والے ملک کو گندم درآمد کرنے والا ملک بنادیا ہے۔وفاقی حکومت 40 ہزار میٹرک ٹن گندم افغانستان بھیج کر آٹے کا بحران جان بوجھ کر پیدا کیا۔عمران خان نے اپنے مخصوص دوستوں کو نوازنے کے لئے آٹے کا بحران پیدا کیا ہے۔