وزیر توانائی نےایس ایس پی شکارپورکوچودہ روز میں معافی مانگنےکاقانونی نوٹس بھجوادیاہے۔

تفصیلات کےمطابق وزیر توانائی سندھ امتیاز شیخ نے ایس ایس پی ڈاکٹررضوان کو قانونی نوٹس بھجوادیاجس میں کہا گیاہےکہ ایس ایس پی 14 روز میں معافی مانگیں یاعدالتی کارروائی کا سامنا کریں۔

 امتیازشیخ کی جانب سےبھیجےگئےنوٹس کےمتن میں کہا گیا ہےکہ آپ نے مجھ پرجوالزامات لگائےثابت کریں یا معافی مانگیں۔

قانونی نوٹس میں ایس ایس پی شکارپور کے خلاف1 ارب روپے ہرجانے کا بھی دعویٰ کیا گیا ہے۔

امتیاز شیخ کےمطابق ایس ایس پی شکارپورنےبےبنیاد الزامات لگا کر میرے  خاندان کی ساکھ کو نقصان پہنچایاہے  ۔

نوٹس کےمتن میں کہا گیا کہ ایس ایس پی نے سیاسی مخالفین سے مل کرمیرے خلاف سازش کی، ڈاکٹر رضوان کی تعیناتی کے بعد میرےضلع میں بدامنی بڑھی، ایس ایس پی کے پاس شواہد موجود تھے تو کارروائی کیوں نہیں کی۔

 واضح  رہے کہ گزشتہ ہفتے ایس ایس پی شکار پور ڈاکٹر رضوان نے خفیہ  رپورٹ میں انکشاف کیا تھا کہ شکارپور میں خرابی امن کے ذمےدار سردار اور بااثر سیاسی افراد ہیں۔

خفیہ  رپورٹ میں صوبائی وزیر توانائی سندھ امتیاز شیخ شکارپورمیں جرائم پیشہ عناصر کی سرپرستی کاانکشاف کیاگیاتھا۔

ارپورٹ کےمطابق شیخ سیاسی مخالفین کودبانےکےلیےکرمنل ونگ کااستعمال کرتےہیں اورصوبائی وزیرنےجرائم پیشہ افراد کے ذریعے سیاسی مخالف شاہ نواز کے بیٹے کو قتل کرایا۔