بھارتی آرمی چیف کا بیان معمول کی ہرزہ سرائی ہے، ترجمان پاک فوج
ترجمان پاک فوج کا کہنا ہے کہ بھارتی آرمی چیف کا بیان معمول کی ہرزہ سرائی کے علاوہ کچھ نہیں ہے۔
پاک فوج کے شعبہ تعلقات عامہ (آئی ایس پی آر) کے ڈائریکٹر جنرل نے بھارتی آرمی چیف کے آزاد کشمیر کے حوالے سے بیان پر بیان پر رد عمل دیتے ہوئے کہا بھارتی آرمی چیف کا بیان معمول کی ہرزہ سرائی ہے۔
میجر جنرل آصف غفور نے کہا کہ بھارتی آرمی چیف کا آزاد کشمیر میں فوجی کارروائی کا بیان معمول کی ہرزہ سرائی ہے اور وہ اپنے لوگوں کو خوش کرنے کے لیے ایسے بیان دے رہے ہیں۔
Statements by Indian COAS to undertake military action across LOC are routine rhetoric for domestic audiences to get out of ongoing internal turmoil.
Pakistan Armed Forces are fully prepared to respond to any act of Indian aggression.Advertisement— DG ISPR (@OfficialDGISPR) January 11, 2020
ترجمان پاک فوج نے مزید کہا کہ بھارتی آرمی چیف کا بیان اندرونی مسائل سے توجہ ہٹانے کی کوشش ہے۔ پاک فوج، بھارت کی کسی بھی جارحیت کا جواب دینے کے لیے تیار ہے۔
واضح رہے کہ گذشتہ روز بھارتی آرمی چیف جنرل منوج مکنڈ نراوانے نےکشمیر کے حوالے سے ہرزہ سرائی کرتے ہوئے کہا تھا کہ اگر پارلیمنٹ چاہے تو آزاد کشمیر بھی ہمارا ہوسکتا ہے۔
نئی دہلی میں میڈیا سے گفتگو کرتے ہوئے نئے بھارتی آرمی چیف جنرل منوج مکنڈ نراوانے کا کہنا تھا کہ کشمیر بھارت کا حصہ ہے اور اس حوالے سے پارلیمنٹ میں پہلے سے قرارداد موجود ہے ۔
بھارتی آرمی چیف کے بیان کا کوئی ثبوت نہیں ہے، ڈی جی آئی ایس پی آر
بھارتی میڈیا کے مطابق انہوں نے کہا تھا کہ اس حوالے سے کئی سالوں سے پارلیمانی قرارداد موجود ہے کہ پورا جموں اور کشمیر بھارت کا حصہ ہے۔
جنرل منوج مکنڈ نے کہا تھا کہ اگر پارلیمنٹ چاہے اور ہمیں اس قسم کا کوئی حکم ملے تو بھارتی فوج پاکستان کے کشمیر کے حصول کے لیے کارروائی کرے گی۔
خیال رہے کہ اس سے قبل بھی بھارت کے سابق آرمی جنرل جنرل بپن راوت اس طرح کی گیدڑ بھپکیاں دیتے رہے ہیں ۔
گذشتہ برس اکتوبر میں بھارتی آرمی چیف بپن راوت نے دعویٰ کیا تھا کہ بھارت اپنی اگلی جنگ مقامی طور پر تیار کردہ ہتھیاروں سے نہ صرف لڑے گا بلکہ اس جنگ میں اپنے دشمنوں کو شکست دے کر اپنی عسکری برتری ثابت بھی کردے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News