وزیراعلیٰ سندھ سید مراد علی شاہ نے کہا ہے کہ ملک میں غریب عوام مہنگائی کے بوجھ تلے دبی ہوئی ہے، پی ٹی آئی حکومت عوام کو کوئی فائدہ نہیں پہنچا سکی۔
تفصیلات کے مطابق وزیراعلیٰ سندھ سید مراد علی شاہ نے دادو بار کی حلف برداری تقریب میں شرکت کے بعد میڈیا سے گفتگو کرتے ہوئے کہا کہ وفاقی حکومت ناکام ہوچکی ہے۔
وزیراعلیٰ سندھ نے کہا کہ زیادہ دن یہ حکومت نہیں چل سکتی، آگے دیکھیں کونسی پارٹی اکثریت حاصل کرنے میں کامیاب ہوتی ہے، بلاول بھٹو نے کل بھی کہا ہے یہ حکومت نہیں چل سکتی۔
سید مراد علی شاہ نے یہ بھی کہا کہ پی ٹی آئی کے اپنے لوگوں سے وقتاً فوقتاً آوازیں آرہی ہیں، اپوزیشن تو نہیں پی ٹی آئی کے اپنے لوگ ہی ناراض ہیں۔
مراد علی شاہ نے کہا کہ مہنگائی کے طوفان کے نیچے ملک کی عوام پسے ہوئے ہیں، پی ٹی آئی حکومت کے اپنے ممبران حکومت کو ٹف ٹائم دیتے ہیں۔
وزیراعلیٰ سندھ کا کہنا تھا کہ پیپلزپارٹی جمہوریت پر یقین رکھتی ہے، اسمبلی کے اندر ان ہاؤس تبدیلی آئینی، جمہوری طریقے سے آئے گی۔
سید مراد علی شاہ کا یہ بھی کہنا تھا کہ بلاول بھٹو پاکستان کی سب سے بڑی جماعت کے سربراہ ہیں، ہم تمام جماعتوں سے مشاورت کرکے احتجاجی تحریک چلائیں گے۔
وزیراعلیٰ سندھ سید مراد علی شاہ کا مزید کہنا تھا کہ آصف زرداری کی ضمانت میڈیکل بنیاد پر ہوئی، ان کی طبیعت خراب ہے، بیماری کے باوجود بھی آصف زرداری ملکی سیاست پر نظر رکھتے ہیں۔
وزیراعلیٰ سندھ سے سی پیک کی وفاقی پارلی مینٹری کمیٹی کی ملاقات
واضح رہے اس سے قبل وزیراعلیٰ سندھ سید مراد علی شاہ سے سی پیک کی وفاقی پارلی مینٹری کمیٹی ایم این اے شیر علی ارباب کی سربراہی میں ملاقات ہوئی تھی ۔
اس موقع پر وزارت برائے پلاننگ ڈویلپمنٹ اینڈ اسپیشل انیشیٹو اور چائنا ڈیولپمنٹ اینڈ کارپوریشن ایجنسی (سی آئی ڈی سی اے) نے نومبر 3 2019 میں ایم او یو پر دستخط کیے تھے۔
وفاقی پارلی مینٹری کمیٹی سے ملاقات میں وزیراعلیٰ سندھ نے کہا تھا کہ سندھ نے 29 منصوبے سی پیک کے لیے جمع کیے تھے، ان منصوبوں میں تعلیم، اسٹیوٹا، صحت، غربت کے خاتمہ کے منصوبے ، صاف پانی، زراعت، لائیواسٹاک اور فشریز کے مصوبے شامل تھے ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News