رابطہ عالم اسلامی کے علاقی دفتر اسلام آباد میں حکومت پاکستان کو کورونا وائرس کے پھیلاو کو روکنے کے لیے طبی حفاظتی سامان فراہم کیا گیا۔

رابطہ عالم اسلامی کی جانب سے پاکستانی عوام کیلئے کورونا وائرس کی روک تھام کے سامان کا تحفہ دیا جبکہ وزیر مذہبی امور پیر نور الحق قادری نے کہا ہے کہ مشکل کی اس گھڑی میں جب وبا کی وجہ سے ساری دنیا کو اپنی اپنی پڑی ہے۔

سعودی عرب کی جانب سے امداد کسی نعمت سے کم نہیں ، سعودی عرب کے سفیر نواب بن سعید المالکی نے کہا ہے کہ مشکل وقت گزر جائے گا پاکستان سے تعاون جاری رہے گا ۔

 اس موقع پرپاکستان میں سعودی سفیر نواف بن سعید المالکی اور دیگر عہدیداروں نے بھی شرکت کی۔

حکومت پاکستان کی جانب سے وفاقی وزیر مذہبی امور نورالحق قادری موجود تھے۔

وزیر مذہبی امور نور الحق قادری نے اس اقدام پر رابطہ عالم اسلامی کا شکریہ ادا کیا۔ انہوں نے دنیا بھر اسلام اور مسلمانوں کی خدمت پر رابطہ کے اہم کردار کی تعریف کی۔

سعودی سفیر نواف المالکی نے کہا کہ رابطہ عالم اسلامی کسی بھی ہنگامی صورتحال میں ہمیشہ مدد فراہم کرنےکے لیے سرگرم رہتا ہے اور اس نے مذہبی، اخلاقی اور انسانی ہمدردی کے طور پر اپنی ذمہ داری پوری کی ہے۔

دنیا بھر میں کورونا وائرس کے پھیلاو کا روکنے اور اس کا مقابلہ کرنے کے لیے یہ ریلیف پیکیج ایک مستحکم کاوش ہے۔

پاکستان نیشنل ہیلتھ ایمرجینسی ریسپانس نیٹ ورک کے ڈائریکٹر جنرل ڈاکٹر راجہ امجد محمود نے امدادی سامان کی اہمیت اور فراہمی پر رابطہ عالم اسلامی کا بھرپور شکریہ ادا کیا۔

پاکستان میں رابطہ عالم اسلامی کے ریجنل ڈائریکٹر سعد بن مسعود الحارثی نے بتایا کہ اس امدادی پیکیج میں حفاظتی ماسک، سینیٹائزر، ڈٹیکٹر اور مختلف قسم کا حفاظتی سامان موجود ہے۔

انہوں نے کہا مزید کہا کہ اخبارات ، ٹی وی چینلز اور سوشل میڈیا کے ذریعے ایک بڑی آگہی مہم شروع کی گئی ہے جس سے عوام میں کورونا وائرس سے بچاو کے لیے شعور اور بیداری پیدا ہوگی۔