پاکستان انڈر 19 کرکٹ ورلڈ کپ کے کوارٹر فائنل میں پہنچ گیا
پاکستان انڈر 19 کرکٹ ٹیم زمبابوے انڈر 19 کرکٹ ٹیم کو 38 رنز سے شکست دے کر آئی سی سی انڈر 19 کرکٹ ورلڈ کپ کے کوارٹر فائنل میں پہنچ گئی۔
پوچیف اسٹروم میں آئی سی سی انڈر 19 کرکٹ ورلڈ کپ کے گروپ بی کے میچ میں زمبابوے نے ٹاس جیت کر پاکستان کو پہلے بیٹنگ کی دعوت دی ۔
پاکستان نے پہلے کھیلتے ہوئے مقررہ پچاس اوورز میں محمد حارث کی جار حانہ اننگز کی بدولت 9 وکٹوں کے نقصان پر 294رنز بنائے۔
محمد حارث نے 48 بالز پہ 81 رنز کی اننگز کھیلی۔ ان کے علاوہ قاسم اکرم 54 اور فہد منیر 53 رنز بنا کر نمایاں رہے۔
زمبابوے کی جانب سے ڈی گرانٹ نے 3 جبکہ ایم شمبا،ایس نڈلیلا،ڈی میئرس اور ٹی نینگانی نے ایک ایک وکٹ حاصل کی۔
ہدف کے تعاقب میں زمبابوے کی پوری ٹیم 46.3اوور میں 256رنز بنا کر آؤٹ ہو گئی۔
ویمنز ٹی ٹوئنٹی ورلڈ کپ کیلئے قومی اسکواڈ کا اعلان، ثناء میر ڈراپ
زمبابوے کی جانب سے ایم شمبا58 اور میڈھیویر53رنز بناکر نمایاں رہے۔ ان کے علاہ کپتان ڈی میئرس39 اور ٹگویٹے23 رنز بناسکے۔
پاکستان کی جانب سے طاہر حسین اور عباس آفریدی نے 3،3 جبکہ عامر علی اور قاسم اکرم نے 2،2 وکٹیں حاصل کیں۔
محمد حارث کو جارحانہ اننگز کھیلنے پر مین آف دی میچ قرار دیا گیا۔
واضح رہے کہ انڈر 19ورلڈ کپ میں یہ پاکستان کی مسلسل دوسری کامیابی ہے اور اس فتح کے ساتھ ہی پاکستان نے گروپ بی سے کوارٹر فائنل کے لیے کوالیفائی کرلیا ہے۔
پاکستان اپنا آخری گروپ میچ 24 جنوری کو بنگلہ دیش کے خلاف کھیلے گا جو پہلے ہی کوارٹرفائنل کے لیے کوالیفائی کرچکا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News