برطانوی حکومت نےسیاحت کے لیے پاکستان کو محفوظ قرار دیدیا
برطانوی حکومت نےسیاحت کے لیے پاکستان کو محفوظ قرار دیدیا ہے۔
تفصیلات کے مطابق برطانوی ہائی کمشنر نے پاکستان کو سیاحتی مقامات سےلطف اندوز ہو نے کے لیے محفوظ قرار دیدیا ہے۔
UK travel advice change: pleased that 🇬🇧 nationals will be able to see more of what 🇵🇰 has to offer pic.twitter.com/BvNYE6erX1
— Christian Turner (@CTurnerFCDO) January 24, 2020
برطانوی ہائی کمشنر کا کہنا ہے کہ میں نے دسمبر 2019 میں پاکستان میں اپنی ذمہ داریاں سنبھالنے کے بعد سفری ہدایات کے تجزیے کو ترجیحی بنیادوں پر رکھا، مجھے خوشی ہے کہ برطانوی شہری اب پاکستان میں خوبصورت سیاحتی مقامات سے زیادہ لطف اندوز ہوسکیں گے۔
یاد رہے کہ پاکستان میں امن و امان کی صورتحال میں بہتری کے باعث برطانوی حکومت نے اپنے شہریوں کے لیے سفری ہدایات میں ترامیم پاکستان کی امن و امان کی صورتحال کے وسیع پیمانے پر کیے جانے والے تجزیے کے بعد جاری کی ہے۔
شہزادہ ولیم اور شہزادی کیٹ مڈلٹن لاہور پہنچ گئے
برطانوی سفری ہدایات کی ترامیم میں دیگر ہدایات کے علاوہ اب برطانوی شہریوں کو پاکستان کے شمالی علاقہ جات بشمول کیلاش اور بموریت جیسی دلفریب وادیوں کے بذریعہ سڑک سفر کو بھی محفوظ قرار دیا گیا ہے۔
واضح رہے کہ 2015 کے بعد سفری ہدایات میں واضح طور پر کی جانے والی یہ پہلی ترامیم ہیں۔
اس سے قبل پاکستان میں امن و امان کی بہتر صورتحال کے باعث جون 2019 میں برٹش ایئرویز نے پاکستان کے لیے اپنی پروازوں کا دوبارہ سے آغاز بھی کر دیا تھا۔
دوسری جانب برطانوی شاہی جو ڑا شہزادہ ولیم اور شہزادی کیٹ مڈلٹن نے پاکستان کا دورہ کیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News