یوکرین طیارہ حادثےکی ویڈیومنظرعام پر آگئی
ایران میں حادثےکاشکار ہونے والے یوکرائن کے مسافر طیارے پرمیزائل حملے کی ویڈیو منظرعام پرآگئی ہے۔
امریکی میڈیا نے ویڈیو جاری کی ہےجسے یوکرائن کے مسافرطیارے کوتہران میں میزائل سےنشانہ بنائےجانےکامنظرقراردیاگیا ہے۔
طیارہ نشانہ بنائے جانے کے معاملےپرامریکی صدرٹرمپ نےواضح کیاتھاکہ طیارےکونشانہ بنائےجانےکاامریکاسےتعلق نہیں، یہ دوسرے فریق کی غلطی ہوسکتی ہے۔
حادثےکےبعد پینٹاگون نے الزام عائد کیا تھاکہ یوکرائن کاطیارہ روسی ساختہ میزائل لگنے سے تباہ ہوا، کینیڈین وزیراعظم جسٹن ٹروڈو نے بھی امریکی موقف کی تائیدکرتے ہوئے کہا کہ ایسے شواہد ہیں کہ یوکرائن کا مسافر طیارہ زمین سے فضاء میں مار کرنیوالے ایرانی میزائل سے تباہ ہوا ہے۔
ایران کی جانب سے بوئنگ کمپنی سے تہران آکر بلیک باکس کاجائزہ لینےکا مطالبہ کیاہے، جبکہ طیارہ حادثےکی تحقیقات میں امریکا سمیت تمام متعلقہ ممالک کو شرکت کی دعوت دی گئی جسے امریکا نے قبول کرلیا ہے۔
امریکی اخبار کےمطابق ایران نے یوکرائن طیارہ حادثے کی تحقیقات کے لیے امریکا کو دعوت دے دی ہے اور آئی سی اے او کے ذریعے امریکا کے قومی ٹرانسپورٹیشن سیفٹی بورڈ کو مدعو کیا گیا ہے۔
عالمی رہنماؤں نےایران پریوکرین طیارہ گرانےکاالزام عائدکردیا
ایرانی حکام کا کہنا ہے کہ طیارہ فنی خرابی کےسبب ایئرپورٹ واپس آتےہوئےتباہ ہواتھا،اس سےپہلےیوکرائن کےحکام نےبھی حادثے کوانجن کی خرابی کا سبب قرار دیا تھا۔
جنرل سلیمانی کےقتل کےجواب میں ایران نے اسی روز عراق میں امریکی فوج کے اڈوں کو میزائلوں سےنشانہ بنایا تھا، تاہم طیارہ ان حملوں کے ختم ہونے کے چند گھنٹے بعد تباہ ہوا تھا۔تاہم کشیدہ صورتحال میں ایران نے طیارے کے بلیک باکس بھی بوئنگ کمپنی یا امریکا کے حوالے کرنے سے انکار کر دیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News