سعودی عرب کے مختلف شہر ان دنوں سخت سردی کی لپیٹ میں ہیں۔ مکہ مکرمہ اور س کے اطراف میں بھی شدید سردی کا راج ہے ۔
غیر ملکی خبر رساں ادارے کے مطابق ماہر موسمیات صالح الشیخی کا کہنا ہے کہ ‘آئندہ چند روز تک طائف میں شدید سردی رہنے کا امکان ہے’۔
طائف کا درجہ حرارت آج بروز جمعہ کو ایک ڈگر سینٹی گریڈ رہا اور کل بروز ہفتہ کو بھی ایک ڈگری سینٹی گریڈ رہے گا ۔ جبکہ ‘ الشفا’ میں پارہ منفی 3 تک پہنچ گیا ہے جو مکہ ریجن میں سب سے کم ہے۔
مقامی میڈیا کے مطابق رواں برس سردی کی غیر معمولی لہر نے سعودی عرب کو اپنی لپیٹ میں لے رکھا ہے۔ سرد ہواؤں کا ہر طرف راج ہے۔
خیال رہے کہ مکہ میں درجہ حرارت 11 ڈگری جبکہ جدہ میں کم سے کم 15 ڈگری ریکارڈ کیا گیا ہے۔
دوسری جانب اردن کی سرحد کے قریب واقع تبوک کے سعودی باشندوں نے سوشل میڈیا پر برف میں ڈھکی ہوئی مملکت کے صحراؤں کے جبڑے گرنے کی ویڈیوز شیئر کیں۔
سعودی عرب کے شمال اور مشرقی خطے کے صحراؤں میں سن 2016 کے موسم سرما میں برف باری ہوئی تھی، لیکن اس طرح کا واقعہ پورے خطے میں کم ہی دیکھنے کو ملتا ہے۔
لیکن اب سال 20 20 کے آغاز ہی میں جمعرات سے ہی تبوک کے شمالی علاقوں میں برف باری کا آغاز ہو گیا ہے۔
اس ضمن میں محکمہ شہری دفاع کی جانب سے شاہراہوں اور نشیبی مقامات پر احتیاطی تدابیر اختیار کرنے کی خصوصی ہدایات جاری کی گئی ہیں۔
محکمہ موسمیات کا کہنا ہے کہ مکہ، ریاض ، مشرقی ریجن اور جازان کے بعض علاقوں میں گہری دھند چھانے کا امکان ہے لہٰذا شاہراہوں پر سفر کرنے والے خصوصی احتیاطی تدابیر اختیار کریں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News