بھارت میں سکھوں کے مقدس مقام پر ٹک ٹاک ویڈیو بنانے پرپابندی کر دی گئی ہے۔
تفصیلات کے مطابق سکھوں کے مقدس مقام گولڈن ٹیمپل میں ٹک ٹاک پر پرپابندی کر دی ہے۔
مقامی خبر رساں ادارے کے مطابق سکھوں کی سب سے بڑی نمائندہ جماعت شرومنی گورودوارہ پربندھک کمیٹی نے بھارت میں سکھوں کے سب سے مقدس مقام پریہ پابندی لگائی ہے۔
یاد رہے سکھوں کے علاوہ مختلف مذاہب کے لوگ گولڈن ٹیمپل ہرمندرصاحب آتے ہیں۔
شرومنی کے مطابق جو یادگارکے طورپراپنی ویڈیو اورتصاویربنواتے اُن پرکبھی بھی پابندی نہیں لگائی تھی۔
تاہم اب کچھ عرصہ سے نوجوان لڑکے، لڑکیاں اس مقدس مقام پرآکر مزاحیہ اندازمیں ٹک ٹاک ویڈیوبناتے ہیں جو اس جگہ کی بے حرمتی ہے۔
گولڈن ٹیمپل کے مینیجرسردار راجیندرسنگھ روبی نے بتایا کہ ہرمندرصاحب میں فوٹوگرافی اور ویڈیو بنانے پرپابندی نہیں لگائی گئی صرف ٹک ٹاک اورفنی ویڈیوزبنانے پرپابندی ہوگی اس کی اجازت نہیں دی جائے گی۔
خیال رہے ٹک ٹاک بنانے والوں کو اس مقدس جگہ آکرٹک ٹاک ویڈیو بنانے سے روکنے کے لیے سیکیورٹی عملے کوالرٹ کردیاگیا
یاد رہے ٹک ٹاک ویڈیو نا بنانے کی تاکید کے حوالے سے گولڈن ٹیمپل میں کئی ایک مقامات پرنوٹس بھی لگادیئے گئے ہیں۔
نوٹس میں کہاگیا ہے کہ شری ہرمندرصاحب ایک مقدس استھان ہے یہاں ادب واحترام کے تقاضوں کوملحوظ خاطررکھاجائے۔
واضح رہے کہ شرومنی کے مطابق کمیٹی کی طرف سے دنیا بھرمیں موجود گورودواروں میں ٹک ٹاک ویڈیوبنانے پر پابندی کی سفارش بھی کی جاسکتی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News