جنوبی افریقہ کی پولیس نے کورونا وائرس لاک ڈاؤن کے احکامات پر عمل نہ کرنے پر جوہانسبرگ کے ایک بڑے سپر اسٹور کے باہر کھڑے لوگوں پر ربر بلٹس کا استعمال کرتے ہوئے فائرنگ کردی ۔
تفصیلات کے مطابق سوشل ڈسٹینسنگ کے قانون کو توڑتے ہوئے سپر اسٹور کے باہر موجود اسپاٹس پر کھڑے ہونے کے بجائے یہ افراد گروپوں میں کھڑ ے تھے، وہاں موجود کل افراد کی تعداد 300 کے قریب تھی۔
جنہیں قانون کی پاسداری نہ کرنے کے جرم میں سزا دی گئی۔
پولیس حکام کی جانب سے فائرنگ کرنے کے بعد وہاں بھگدڑ مچ گئی جس سے کچھ افراد زخمی ہو گئے، بعد ازاں پولیس کی جانب سے اسپیکر پر ایک دوسرے سے فاصلے پر کھڑے ہونے کے اعلانات بھی کئے گئے۔
جنوبی افریقہ کے صدر سیرل رامافوسا نے جنوبی افریقہ کے 57 ملین افراد کو 21 دن گھر پر رہنے کا حکم دیا ہے اور پولیس اور فوج کو لاک ڈاؤن نافذ کرنے کے لئے تعینات کیا ہے۔
لیکن بہت سارے افراد ، خاص طور پر غریب محلوں سے ، اس حکم کی خلاف ورزی کرتے ہوئے ، کھانے کی تلاش میں گھروں سے نکل جاتے ہیں۔
واضح رہے کہ جنوبی افریقہ میں کورونا سے متاثرہ افراد کی تعداد 1 ہزار 749 ہے اور ہلاک ہونے والوں کی تعداد 13 ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News