بلوچستان ءِ ادارکی سر وزیرءِ نام فائنل

نيوز ڈیسک , بول نيوز

جمعرات - 7جون 2018, 09:36AM

  • 369
  • قومی
prev next

الیکشن کمیشن آف پاکستان ءِ نیمگ ءَ چہ پاکستان ءِ درستاں چہ مستریں صوبہ بلوچستان ءِ ادارکی سر وزیر ءِ نام فائنل کنگ بوت۔

ادارکی سر وزیر ءِ دارگءِ حاطرءَالیکشن کمیشنءِ حاصیں دیوان چیف الیکشن کمشنر ءِ سروکیءَ برجا بوتگ، ادارکی سر وزیر بلوچستان ءِ نامینگءَ گوں ملکءَ ادارکی سرکارانی مرحلہ سرجم بوتگ، علائوالدین مری ءِ نام سرکار ءَ تجویز کتگ ات ۔الیکشن کمیشن ءَ ادارکی سر وزیر بلوچستان ءِ پیسلہ گوں تپاکیءَ کتگ۔

 علائوالدین مری 28 فروری 1979ءَ کوئٹہ ءَ ودی بوتگ ، آئیءِ کماش غلام محی الدین مری ایڈیشنل چیف سیکریٹری بلوچستان ءَ ہوار بیوروکریسیءِ جتائیں اگدہانی سرا فائز بوتگ ۔علائوالدین مری ءَ بنداتی تعلیم چہ کوئٹہءِ تعمیر نو اسکولءَ چہ در برتگ ، وتی انٹر میڈیٹ  ایف ایس سی ءَ چہ کتگ ءُ گریجویشن ءِ ڈگری چہ بلوچستان یونیورسٹیءَ گپتگ ۔

علائوالدین مری ءَ گریجویشن ءَ پدبزنس ءِ پڑءَ نامداری گپتگ ۔ آ 2012 ء چہ 2104ءَ داں پاکستان یورپین بزنس کونسل ءِچیئرمین ہم بوتگ ، آئیءَمستونگ ءَ وانگءُ زانگءِ گہتریں آسراتی دئیگ ءِؐ حاطرءَ انگلش میڈیم اسکول ءِ بن اشت ءِ ایر کتگ  علائو الدین مری بلوچستان ءَ پیسریگیں سر وزیر ءِ نزیکیں سنگتانی تہا شمار بیت وھدیکہ انگتءَ آئیءِ کجام ہم سیاسی گلءَ گوں سیادی نیست۔

نوکتریں حال