پاکستان میں آن لائن کاروباری سہولیات کی عدم فراہمی اور ای کامرس پالیسی کو کالعدم قرار دینے کیلئے اسلام آباد ہائیکورٹ میں درخواست دائر کردی گئی ہے۔
ای کامرس پالسی کے خلاف دائر کردہ درخواست پر عدالت نے وفاقی حکومت سے جواب طلب کرلیا ہے اور ساتھ ہی ساتھ وزارت کامرس اور وزارت انفارمیشن ٹیکنالوجی کو دو ہفتوں میں جواب جمع کرانے کا حکم بھی دے دیا ہے۔
خیال رہے کہ اسلام آباد ہائیکورٹ کے چیف جسٹس اطہر من اللہ نے ایک شہری جنید حمید کی درخواست پر سماعت کی ، درخواست گزار کے وکیل بیرسٹر قادر بخش نے کہا ہے کہ دنیا کی سب سے بڑی آن لائن ٹریڈنگ ویب سائٹ پر پاکستانی شہریوں کی رجسٹریشن بند ہے۔
انہوں نے کہا کہ ایمازون اور پے پال جیسی کمپنیوں کو پاکستان کے بین الاقوامی ادائیگیوں کے لائحہ عمل پر اعتراض ہے جبکہ دنیا بھر میں اس وقت ای کامرس انڈسٹری 4 ٹریلین ڈالر سے زیادہ بڑھ چکی ہے مگر پاکستانی شہریوں کو آن لائن فروخت کے لئے عالمی مارکیٹ تک رسائی ہی نہیں ہے۔
انہوں نے بتایا کہ ای کامرس پالیسی 2019 نقائص سے بھرپور ہے لہذا اسے غیر مؤثر قرار دیا جائے۔
Advertisement
درخواست گزار کے وکیل نے استدعا کی کہ حکومت کو ای کامرس پالیسی کے لئے مناسب قانون سازی سمیت صارفین کے حقوق اور ڈیٹا محفوظ بنانے کے لئے اقدامات کرنے کے احکامات جاری کیئے جائیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
