وزیراعلیٰ پنجاب عثمان بزدار نے مصنوعی مہنگائی اور ذخیرہ اندوزی روکنے کے لیے بھرپور کارروائی کا حکم دے دیا ہے ۔
تفصیلات کے مطابق وزیراعلیٰ پنجاب نے اس سلسلے میں صوبائی وزیر صنعت و پرائس کنٹرول ٹاسک فورس اسلم اقبال اور چیف سیکرٹری پنجاب کو مراسلہ ارسال کیا ہے۔
عثمان بزدار نے اپنے مراسلے میں گراں فروشی اور ذخیرہ اندوزی کے سد باب کے لیے ضلعی سطح پر پرائس کنٹرول کمیٹیاں فعال بنانے کی ہدایت کی ہے۔
وزیراعلی ٰ پنجاب نے کہا کہ عوام کو گراں فروشوں کے سپرد نہیں کیا جا سکتا، اس سلسلے میں وہ غفلت قطعاً برداشت نہیں کریں گے، عوام کو مصنوعی مہنگائی کرنے والوں کے رحم وکرم پر نہیں چھوڑا جا سکتا۔
عثمان بزدار کا کہناتھا کہ وہ صوبے بھر میں مہنگائی، ناجائز منافع خوری اور ذخیرہ اندوزی کے خلاف کارروائیوں کی خود مانیٹرنگ کریں گے اورکوتاہی ثابت ہوئی توکسی کو معاف نہیں کریں گے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
