پاکستان کی نامور اداکارہ اقرا عزیز نے سینئر اداکار نعمان اعجاز کو چلتا پھرتا اسکول قرار دے دیا ہے۔

اداکارہ اقرا عزیز نے سماجی رابطے کی ویب سائٹ انسٹاگرام اپنی ایک تصویر پوسٹ کی جس میں اداکارہ کے ہمراہ سینئر اداکار نعمان اعجاز بھی موجود ہیں۔

https://www.instagram.com/p/CFNCZ2YnOyz/?utm

اقرا عزیز کی جانب سے پوسٹ کی جانے والی تصویر کی کیمشن میں اداکارہ نے نعمان اعجاز کو مخاطب کرتے ہوئے لکھا کہ سر میں بہت خوش قسمت ہوں کہ مجھے آپ کےساتھ کام کرنے کا موقع ملا، اِس دوران میں نے آپ سے بہت کچھ سیکھا اورآپ کے ساتھ ایک اچھا وقت گُزارا۔

اقرا عزیز نے لکھا کہ آپ ہمارے ایک ایسے لیجنڈ ہیں جنہوں نے ہماری انڈسٹری کو 32 سال دیے لیکن اس کے باوجود بھی آپ میں بالکل غرور نہیں ہے بلکہ آپ تو خوش اخلاق شخصیت کے مالک ہیں۔

یاد رہے اداکارہ نے نعمان اعجاز کےساتھ گُزرے وقت کو ایک بہترین خوشی قرار دیتے ہوئے کہا کہ آپ کے ساتھ گُزرا ہر لمحہ میرے لیے ایک قیمتی یاد ہے۔

دوسری جانب اقرا عزیز نے پوسٹ کے اختتام میں اداکار کو اسکول قرار دیتے ہوئے لکھا کہ واقعی میں آپ ایک چلتے پھرتے اسکول ہیں۔

واضح رہے کہ ڈراما ’رقیب سے‘ ایک نجی ٹی وی چینل پر نشر کیاجائے جس میں اقرا عزیز اور نعمان اعجاز کے ساتھ گلوکارہ حدیقہ کیانی بھی پہلی بار ڈراموں کی دُنیا میں اداکاری کرتی نظر آئیں گی۔