وزیراعظم عمران خان کی جانب سے اپوزیشن کو جلسوں کی اجازت دے دی گئی ہے۔

تفصیلات کے مطابق وزیراعظم عمران خان کی زیر صدارت قومی رابطہ کمیٹی اجلاس کی اندرونی کہانی سامنے آگئی ہے، اجلاس میں وزیراعظم نے اپوزیشن پر جلسوں کی پابندی کی تجویز مسترد کردی۔

ذرائع کے مطابق این سی او سی نے ملک بھر میں تقریبات پر پابندی کی تجویز دی۔

اجلاس میں وزیراعظم کو تجویز دی گئی کہ کوویڈ کیسز بڑھ رہے ہیں تقریبات پر پابندی لگائی جائے جبکہ اسکول اور شادی ہالز بند کئے جائےجس پر وزیراعظم عمران خان نے کہا کہ کوویڈ کے کیسز بڑھے تو شادی ہالز اور اسکول بند کرسکتے ہیں۔

اجلاس کی صدارت کرتے ہوئے وزیراعظم عمران خان نے کہا کہ اپوزیشن کو ملک بھر میں جلسوں کی اجازت ہے، اپوزیشن جہاں چاہے جلسے کرے۔

وزیراعظم عمران خان نے مزید کہا کہ باقی اجتماعات پر پابندی لگا سکتے ہیں لیکن اپوزیشن کو جلسوں کی اجازت دیں گے۔

یاد رہے کہ ملک بھر میں اپوزیشن جماعتوں کی جانب سے پی ڈی ایم کا اننعقاد کیا گیا ہے جس کے حوالے سے اپوزیشن نے بھرپور جلسوں کا اعلان بھی کیا ہے۔

پی ڈی ایم کے جلسوں کے حوالے سے ایک شیڈول بھی جاری کیا گیا ہے جس کے مطابق 16 اکتوبر کو پی ڈی ایم کی جانب سے حکومت کے خلاف بڑا جلسہ گوجرانوالہ میں کیا جائیگا۔

گزشتہ چند روز سے پاکستان ملسم لیگ ن کی قیادت گوجرانوالہ کے جلسے کے لئے اجازت کے لئے متعدد بار بلدیہ دفتر پہنچی تھیں تاہم افسران کی عدم مودگی کے سبب اجازت نہیں ملی جس پر ن لیگ کی جانب سے برہمی کا اظہکار کیا گیا تھا۔

اس ضمن میں اپوزشین پارٹیوں کا کہنا تھا کہ حکومت بوکھلاہٹ کے باعث اجازت دینے کے حق میں نہیں ہے تاہم پی ڈی ایم کا جلسہ اجازت کے بغیر بھی ضرور کیا جائیگا۔

بعدازاں اپوزیشن کے حوالے سے وفاقی وزیر کا کہنا تھا کہ لوگ جن پر کرپشن کے مقدمات قائم ہیں وہ حکومت کو عدم استحکام کا شکار کرنا چاہتے ہیں کیونکہ انکو معلوم ہے کہ اگر حالات اچھے ہونگے تو انکی تو جگہ نہیں ہوگی۔

وفاقی وزیر کا کہنا تھا اپوزیشن کا بنیادی مقصد لوٹی ہوئی دولت کا تحفظ دینا ہے، یہ چاہتے ہیں حکومت پریشر میں آکر انکو رعایت دے دی جائے لیکن یہ جلسے کرکے دیکھ لیں انکو حیثیت معلوم ہو جائے گی۔

انہوں نے بتایا کہ اپوزیشن چاہتی ہیں پاکستان اسی طرح رہے جس میں انکے مزے لگے ہوئے تھے کیونکہ یہ وہ لوگ ہیں جنہوں نے قوم کے پیسے سے جائیدادیں بنائی ہیں۔