چیئرمین کشمیر کمیٹی فخر امام نے کہا ہے کہ پاکستان مقبوضہ کشمیر سے کسی صورت علیحدہ نہیں ہوسکتا ہے اور پاکستان کشمیری عوام کے اس مشکل وقت میں کسی بھی قربانی سے پیچھے نہیں ہٹیگا۔

اسلام آباد میں مظلومین کشمیر کے عنوان سے سیمینار کا انعقاد کیا گیا جس میں چیئرمین کشمیر کمیٹی سید فخر امام نے سیمینار سے خطاب کرتے ہوئے اظہار خیال کیا کہ اقوام متحدہ کی قراردادیں شاہد ہیں کہ کشمیر متنازعہ علاقہ ہے۔

کشمیر کانفرنس سے خطاب میں چیئرمین کشمیر کمیٹی فخر امام کا مزید کہنا تھا کہ ہم کشمیر کی مدد کیسے کرسکتے ہیں اگر ہم اقتصادی طور پر مضبوط ہوتے تو آج ہم نہیں دنیا ہماری طرف دیکھتی اگر آج بھی ہم نے اپنی ذہنیت تبدیل نہ کی تو نقصان ہمارا ہوگا۔

انکا مزید کہنا تھا کہ  54 سال بعد دوبارہ سلامتی کونسل میں مسئلہ کشمیر اٹھا ہے جبکہ پہلی بار ایسا ہوا ہے کہ پاکستانی نظریہ کو دنیا کسی حد تک تسلیم کررہی ہے  اور یہ پاکستان کی بدقسمتی کی بات ہے کہ ہندوستان کے گجرات کا جلاد آج نریندر مودی بھارت کا وزیراعظم ہے۔

چیئرمین کشمیر کمیٹی سید فخر امام نے کہا کہ ہمیں قومی اتحاد کے ساتھ اپنی غلطیوں کا مداوا بھی کرنا ہوگا، پاکستان کا مستقبل کشمیر اور کشمیر کا مستقبل پاکستان سے وابستہ ہے۔

انہوں نے کہا کہ کوئی ہمارا ساتھ دینے نہیں آئے گا یہ کام ہمیں خود کرنا ہے اور شمیر ایشو پر ہم سب اکٹھے ہیں جبکہ ترکی، ایران، ملائیشیا نے ہماری حمایت کی ہے لیکن یہ مشکل وقت کو ہم نے خود ہی کاٹنا ہے۔