مہاتما گاندھی کے پوتے کا کشمیریوں سے یکجہتی کا اظہار

سید قاسم رضا

14th Sep, 2019. 12:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مہاتما گاندھی کے پوتے کا کشمیریوں سے یکجہتی کا اظہار

بھارتی حکومت کے مقبوضہ کشمیر میں جاری ظلم و ستم پر تقسیم ہند سے قبل بھارتی جنگ آزادی کے رہنما مہاتما گاندھی کے پوتے راج موہن گاندھی بھی بول پڑے۔

تفصیلات کے مطابق مہاتما گاندھی کے پوتے راج موہن گاندھی نے مظلوم کشمیریوں سے یکجہتی کا اظہار کرتے ہوئے کہا کہ مقبوضہ کشمیر کی خصوصی ریاست کی حیثیت ختم کرنے کا بھارتی اقدام غیر قانونی اور غیر آئینی ہے۔

انہوں نے کہا کہ مقبوضہ کشمیر کے حالات نے بھارتی جمہوریت پر سوال اٹھادیے ہیں ،آرٹیکل 370کے خاتمے کی کسی کشمیری نے حمایت نہیں کی۔

راج موہن گاندھی کا مزید کہنا تھا کہ بھارتی فوج نے پوری وادی کا محاصرہ کررکھاہے۔

واضح رہے کہ5 اگست کو مودی سرکار نے مقبو ضہ کشمیر کو خصوصی حیثیت دینے والے بھارتی آئین کے آرٹیکل 370 اے کو ختم کردیا تھا۔

آرٹیکل 370 اے ختم کرنے کے بعد مقبوضہ کشمیر میں مسلسل 40ویں روز بھی کرفیو جاری ہے جبکہ موبائل فون، انٹرنیٹ سروس اور ٹی وی نشریات بھی معطل ہیں۔