راوی سٹی منصوبے سے لاہور میں معاشی سرگرمی پیدا ہوگی، وزیرِاعظم

وریشہ مسعود

18th Mar, 2021. 09:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

راوی سٹی منصوبے سے لاہور میں معاشی سرگرمی پیدا ہوگی، وزیرِاعظم

وزیرِاعظم عمران خان نے کہا ہے کہ راوی سٹی منصوبے سے لاہور سمیت پورے صوبے میں معاشی سرگرمی پیدا ہوگی۔

تفصیلات کے مطابق وزیرِاعظم عمران خان کی زیر صدارت اجلاس ہوا جس میں راوی سٹی منصوبے اور سنٹرل بزنس ڈسٹرکٹ کے قیام کے حوالے سے پیش رفت کا جائزہ لیا گیا۔

لاہور میں سنٹرل بزنس ڈسٹرکٹ کے قیام کے حوالے سے پیش رفت سے متعلق بھی اجلاس کو آگاہ کیا گیا۔

اس موقع پر وزیرِاعظم کو راوی سٹی منصوبے کی پیش رفت اور راوی سٹی میں ایگری فارمنگ کے شعبے میں اب تک ہونے والی پیش رفت پر بھی بریفنگ دی گئی۔

اجلاس کی صدارت کرتے ہوئے وزیرِاعظم عمران خان نے کہا کہ راوی سٹی منصوبہ لاہور شہر کے مسائل کے حل کے حوالے سے کلیدی اہمیت کا حامل ہے، راوی سٹی منصوبے سے لاہور سمیت پورے صوبے میں معاشی سرگرمی پیدا ہوگی۔

وزیرِاعظم عمران خان نے مزید کہا کہ سنٹرل بزنس ڈسٹرکٹ اور راوی سٹی منصوبہ موجودہ حکومت کے ترجیحی منصوبوں میں شامل ہیں، ان پر ٹائم لائنز کے مطابق عمل درآمد کو یقینی بنایا جائے۔