وزیراعلی بلوچستان جام کمال خان نے آئندہ مالی سال کے لیے نوجوانوں کوہنرمند بنانے کے لیے انٹرن شپ پروگرام متعارف کرنے کی ہدایت کردی ہے۔

تفصیلات کے مطابق وزیراعلی بلوچستان جام کمال خان کی زیرصدارت پی ایس ڈی پی 22-2021 کے لیے مجوزہ ترقیاتی منصوبوں ، کانسپٹ پیپرزسے متعلق اجلاس ہوا جس میں محکمہ سوشل ویلفیئر نے لیبر، وومن ڈیویلپمنٹ اوراقلیتی امور کے مجوزہ نئے ترقیاتی منصوبوں کے حوالے سے بریفنگ دی۔

اجلاس میں متعلقہ محکموں کے نئے ترقیاتی پروگرام 22-2021 کے لیے تجاویز اور کانسپٹ پیپرز پر بھی بحث ہوئی ۔

محکمہ سوشل ویلفیئر نے بریفنگ کے دوران آئندہ مالی سال میں 10 ہزار چنگ چی رکشوں کی فراہمی کا منصوبہ بنادیا ہے اورنئے مالی سال کے لیے کل23 کانسپٹ پیپرزموصول ہوئے جن میں سے 12 سلیکٹ کئے گئے ہیں۔

اجلاس کے دوران نئے سال میں معزورافراد کے لیے خصوصی وین خریداری کا منصوبہ بنایا گیا جبکہ آئندہ پی ایس ڈی پی میں 400 ٹرائی موٹرسائیکل مستحق معذورافراد میں تقسیم کرنے کا  بھی منصوبہ بنایا گیا۔

محکمہ لیبرنے بریفنگ دیتے ہوئے یہ بھی کہا کہ آئندہ مالی سال کے لیے 23 ترقیاتی منصوبوں کے کانسپٹ پیپرز کلیئر کیے گئے ہیں جبکہ ہائی ٹیک ٹریننگ سینٹر کوئٹہ کی عمارت کی تعمیر کے منصوبہ کا کانسپٹ پیپرتیار کیا گیا ہے۔

محکمہ اقلیتی امورنے بریفنگ کے دوران کہا کہ نئےسالانہ ترقیاتی پروگرام میں اقلیتوں کی عبادت گاہوں کی ترقی کے منصوبے اورنئے پی ایس ڈی پی می تمام جیلوں میں وومن سہولت وارڈز ، لرننگ سینٹراوروومن بیرکس کے منصوبے  بھی شامل کیے جا رہیں۔

وزیراعلیٰ بلوچستان جام کمال خان نے ہدایت کرتے ہوئے کہا کہ ہنگلاج ماتا مندراورکالی ماتا مندرقلات میں کرتارپورماڈل کی طرزپرسہولت کا منصوبہ بنایا جائے۔