وزیراعظم عمران خان سعودی عرب کادورہ کرنے کے بعد 7روزہ دورے کیلئے امریکا پہنچ گئے۔
تفصیلات کے مطابق وزیراعظم عمران خان دورہ امریکا کے دوران 23 ستمبر کو امریکی صدرڈونلڈ ٹرمپ سے ملاقات کریں گے جس میں مسئلہ کشمیرسمیت متعدد امور پر تبادلہ خیال کیا جائے گا۔
وزیراعظم کی امریکی صدر سے دو ملاقاتیں متوقع ہیں جبکہ 23 ستمبر کو ہی ان کی ترک صدر طیب اردگان سےبھی ملاقات ہوگی۔اس کے علاوہ وزیراعظم نیویارک میں کشمیری رہنماؤں سے بھی ملاقات کریں گے۔
وزیراعطم دورہ امریکا کے دوران 27ستمبرکو اقوام متحدہ کی جنرل اسمبلی سے خطاب کریں گے جس میں وہ بھارت کی جانب سے مقبوضہ کشمیرمیں جاری انسانی حقوق کی پامالی اور مودی سرکار کی ہٹ دھرمی دنیا کے سامنےلے کرآئیں گے۔
اس دوران سائیڈ لائن پر پاکستان، ترکی اور ملائیشیا کا سہ فریقی اجلاس بھی ہوگا ۔وزیراعظم سائیڈ لائنز پر بیشتر سربراہان سے ملاقاتیں کریں گے جس میں ان کی ترک صدررجب طیب اردگان سے ملاقات طے پاچکی ہے۔
وزیراعظم ملائیشیا اور بیلجئم کے ہم منصب سے بھی ملاقات کریں گے۔اس کے علاوہ وزیراعظم ورلڈ بینک کے صدر اور بل گیٹس سے بھی ملیں گے۔
وزیرااعظم اقوام متحدہ میں ماحولیاتی تحفظ اور غربت میں کمی سے متعلق سیمینار اور نفرت انگیز تقاریر کے خاتمے سے متعلق مباحثے سے بھی خطاب کریں گے۔
واضح رہے کہ گزشتہ روزوزیراعظم عمران خان نے سعودی عرب کے دو روزہ دورے میں سعودی فرمانروا شاہ سلمان بن عبدالعزیز اور وزیردفاع شہزادہ محمد بن سلمان سمیت دیگر سعودی رہنماؤں سے ملاقاتیں کی تھیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News