کوشش کریں گے آئندہ سوشل میڈیا بند ہونے کی تکلیف عوام کو نا اٹھانی پڑے، شیخ رشید

کلثوم ہرا

16th Apr, 2021. 05:36 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کوشش کریں گے آئندہ سوشل میڈیا بند ہونے کی تکلیف عوام کو نا اٹھانی پڑے، شیخ رشید

وزیرداخلہ شیخ رشید احمد نے کہا ہے کہ کوشش کریں گے آئندہ سوشل میڈیا بند ہونے کی تکلیف عوام کو نا اٹھانی پڑے۔

تفصیلات کے مطابق وزیرداخلہ شیخ رشید احمد نے سوشل میڈیا کی بندش کے حوالے سے وضاحتی بیان دیتے ہوئے کہا کہ بطوروزیرداخلہ معذرت خواہ ہوں کہ ہم نے 3 گھنٹے تک سوشل میڈیا کو بند رکھا ہے۔

شیخ رشید احمد نے کہا کہ کالعدم تحریک لبیک نے جمعے کے بعد نکلنے کی کال دی ہوئی تھی لیکن جمعے کا دن پرسکون گزرا ہے، پورے پاکستان میں ان کے کارکنان باہر نہیں نکلے۔

وزیرداخلہ نے یہ بھی کہا کہ آج ملک میں سوشل میڈیا کے ذریعے دہشتگردی اور انتشار پھیلانے والوں کو شکست ہوئی ہے۔

وزیرداخلہ شیخ رشیداحمد نے مزید کہا کہ ان کے بینک اکاؤنٹ، پاسپورٹ بند کریں گے، پاکستان کو نقصان پہنچانے والوں کو نہیں چھوڑیں گے۔