دنیا کو اس وقت سنگین چیلنجز کا سامنا ہے، وزیراعظم

عروبہ خان

21st May, 2021. 09:00 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دنیا کو اس وقت سنگین چیلنجز کا سامنا ہے، وزیراعظم

وزیراعظم عمران خان نے کہا ہے کہ دنیا کو اس وقت سنگین چیلنجز کا سامنا ہے کیونکہ کورونا وباء نے بےروزگاری میں اضافہ کیا ہے۔

تفصیلات کے مطابق وزیراعظم عمران خان نے فیوچرآف ایشیا کانفرنس سے ورچوئل خطاب کے دوران بتایا ہے کہ ایشیانے50سال میں تیزی سے معاشی ترقی کی ہے۔

وزیراعظم نے بتایا کہ ایشیا کامستقبل دنیا کامستقبل ہے کیونکہ اس خطے میں دنیا کی نصف آبادی ہے۔

وزیراعظم نے بتایا کہ ایشیائی ممالک کے پاس تجارت اور معاشی تعاون کے ذریعے ترقی اور خوشحالی کے بےشمار مواقع موجود ہیں۔

وزیراعظم عمران خان نے کہا ہے کہ ہماری اولین ترجیع کورونا سے مؤثر طور پر نمٹنا ہے کیونکہ وباء نے غریب ممالک کو زیادہ متاثر کیا ہے اور ہم کوشش کررہے ہیں کہ کورونا ویکسین سب کو میسر ہوسکے۔

خطاب میں وزیراعظم نے واضح کیا کہ پاکستان بھارت سمیت تمام ہمسایہ ممالک سے دوستانہ تعلقات کا خواہاں ہے۔

وزیراعظم کا کہنا تھا کہ بھارت کو 05 اگست 2019 کے اقدامات پر نظرثانی کرتے ہوئے مقبوضہ کشمیرمیں جاری مظالم بند کرنے ہوں گے۔

وزیراعظم نے کہا ہے کہ افغان امن عمل کو پاکستان مکمل سپورٹ فراہم کررہا ہے اور یہ ہمیشہ کہا گیا ہے کہ افغان مسلئے کا حل جنگ نہیں ہے ۔