وزیر اعظم عمران خان نے کہا ہے کہ چین کی پلاسٹک کی درآمد پر پابندی کی پالیسی کو بھی زیر غور لیا جائے۔
تفصیلات کے مطابقوزیر اعظم عمران خان کی زیر صدارت ملک میں فضلوں کے انتظام کے حوالے سے اجلاس منقعد ہوا جس میں معاون خصوصی ملک امین اسلم اور سینئر حکام نے شرکت کی۔
اجلاس میں بریفنگ دیتے ہوئے کہا گیا کہ پاکستان میں سالانہ 30 ملین میٹرک ٹن فضلہ میونسپل سطح پر پیدا ہوتا ہے۔
بریفنگ میں بتایا گیا کہ پلاسٹک فضلہ کل فضلے کا 10 سے 14 فیصد ہے اور سال 2050 تک اس کی مقدار دوگنی ہوجائے گی۔
بریفنگ دیتے ہوئے کہا گیا کہ پاکستان نے پچھلے مالی سال 2.4 ارب روپے لاگت کا 35,651 ٹن پلاسٹک درآمد کیا۔ سال 2020 میں پیدا ہونے والے 3.9 میلین ٹن پلاسٹک فضلے میں سے صرف 30 فیصد ریسائیکل ہوتا ہے۔
اجلاس کی صدارت کرتے ہوئے وزیراعظم عمران خان کا کہنا تھا کہ چین کی پلاسٹک کی درآمد پر پابندی کی پالیسی کو بھی زیر غور لیا جائے جبکہ درآمدی پلاسٹک پر انحصار کم کرنے کے لیے جامع پلان مرتب کیا جائے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News