وزیراعظم عمران خان کی سلطنت عمان کی فورسز کے چیف آف سٹاف سے ملاقات ہوئی۔

ملاقات میں دو طرف تعلقات، خطے ، تجارت اور ٹرانسپورٹیشن میں تعاون بڑھانے پر بھی بات چیت ہوئی۔

عمانی فورسز کے چیف نے اقوام متحدہ جنرل اسمبلی میں وزیراعظم کی تقریر کی تعریف کی اور خلیج میں کشیدگی کو کم کرنے اور خطے میں عمران خان کے اقدام کو قابل تعریف قرار دیا۔

عمانی فورسز کے چیف نے سلطان قبوص بن سید کی طرف سے نیک خواہشات وزیراعظم کو پہنچائیں اور ان کا کہنا تھا کہ پاکستان اور عمان کے مضبوط تعلقات ہیں۔

ملاقات میں عمانی فورسز کے چیف کا پاک عمان دفاعی تعاون، مشترکہ مشقوں پر اطمینان کا اظہار کیا اورعمانی قیادت کی جانب سے وزیراعظم عمران خان کو دورہ عمان کی دعوت دی۔

اس موقع پر وزیراعظم کا کہنا تھا کہ پاکستان اور عمان کے خوشگوار اور قریبی تعلقات ہیں جبکہ ملاقات میں وزیراعظم نے عمانی فورسز کے چیف کو مقبوضہ کشمیر میں بدترین انسانی صورتحال سے بھی آگاہ کیا۔

وزیراعظم عمران خان کا کہنا تھا کہ 5  اگست سے مقبوضہ وادی میں کرفیو، لاک ڈاؤن کی صورتحال نے 80 لاکھ کشمیریوں کی زندگی کو متاثر کیا اور سیکیورٹی کونسل کی قراردادوں پر عمل ہی کشمیر مسئلے کا واحد حل ہے۔

واضح رہے اس سے قبل سلطنت آف عمان کے چیف آف اسٹاف کی آرمی چیف جنرل قمرجاوید باجوہ سے بھی ملاقات ہوئی تھی۔

 جنرل قمرجاوید باجوہ سے لیفٹیننٹ جنرل احمد بن ہریت النباہی کی ملاقات میں دو طرفہ دلچسپی کے امور پر تبادلہ خیال کیا گیا اور پاک عمان دو طرفہ دفاعی تعلقات پر بھی با ت چیت کی گئی تھی۔

ااس موقع پر سلطنت آف عمان کے چیف آف اسٹاف کا کہنا ہے کہ پاکستان کی افواج نے دہشتگردی کی جنگ میں بہت اہم کردار ادا کیا ہے ، پاک فوج کی کوششوں سے خطے میں استحکام ہے۔