کراچی،موٹر سائیکل لفٹنگ اور منشیات فروشی میں ملوث 2ملزمان سمیت1 ملزمہ گرفتار

محمد سلطان

18th Oct, 2021. 07:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی،موٹر سائیکل لفٹنگ اور منشیات فروشی میں ملوث 2ملزمان سمیت1 ملزمہ گرفتار

کراچی میں موٹر سائیکل لفٹنگ اور منشیات فروشی میں ملوث 2 ملزمان سمیت 1 ملزمہ کو گرفتار کر لیا گیا ہے۔

تفصیلات کے مطابق ایس ایس پی سٹی کا کہنا ہے کہ ملزمان کو علاقہ تھانہ بغدادی اور چاکیواڑہ کی حدود سے گرفتار کیا گیا ہے۔

ترجمان پولیس کے مطابق موٹرسائیکل لفٹنگ منشیات فروشی میں ملوث 2ملزمان محسن اور ثاقب کو گرفتار کیاگیا ہے جن سے 1چوری شدہ موٹر سائیکل اور 107 گرام کرسٹال برآمد کی گئی ہے۔

پولیس کا کہنا ہے کہ تھانہ چاکیواڑہ کی حدود سے منشیات فروشی میں ملوث 1 ملزمہ گل افروز کو بھی گرفتار کیا گیا ہے جس سے75گرام آئس برآمد کی گئی ہے۔

پولیس کا کہنا ہے کہ ملزم محسن اورثاقب سے برآمدہ موٹر سائیکل نمبر KIP-8623 کی ایف آئی آر نمبر 298/2021 بجرم دفعہ 381A تھانہ عیدگاہ میں درج ہے۔

پولیس ذرائع کا کہنا ہے کہ ملزمان لیاری اور اطراف کے مختلف علاقوں میں موٹر سائیکل لفٹنگ اور منشیات فروشی کیا کرتے تھے، ملزمان کے خلاف متعلقہ تھانہ جات میں مقدمات درج کر کے تفتیش جاری ہے۔

ایس ایس پی ڈسٹرکٹ سٹی پولیس سرفراز نواز کا کہنا ہے کہ ملزمان سے دیگر ساتھیوں کے متعلق بھی پوچھ گچھ جاری ہے اور ملزمان کا سابقہ کریمنل ریکارڈ معلوم کیا جا رہا ہے۔