وزیراعظم نے ضروری ترامیم کے لیے استقامت کا مظاہرہ کیا ، وزیراعلیٰ بلوچستان

مریم اقبال

17th Nov, 2021. 08:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

وزیراعظم نے ضروری ترامیم کے لیے استقامت کا مظاہرہ کیا ، وزیراعلیٰ بلوچستان
مشرف علی زیدی عالمی میڈیا کےلئے ترجمان وزیراعظم مقرر، عطا اللہ تارڑ کی تصدیق ، نو ٹیفکیشن جاری
پنجاب اسمبلی کا 34 واں اجلاس کل شروع ہوگا، اہم بلز اور حکومتی امور پر بحث متوقع
ریڈ لائن منصوبہ عوام کیلیے وبال جان، پیپلزپارٹی نے کراچی کو تجربہ گاہ بنا دیا، حافظ نعیم الرحمان

Now Reading:

وزیراعظم نے ضروری ترامیم کے لیے استقامت کا مظاہرہ کیا ، وزیراعلیٰ بلوچستان

وزیراعلیٰ بلوچستان نے کہا ہے کہ وزیراعظم نے ضروری ترامیم کے لیے استقامت کا مظاہرہ کیا۔

وزیراعلیٰ بلوچستان میرعبدالقدوس بزنجو نے کہا کہ حکمران اتحاد نے پارلیمنٹ کے مشترکہ اجلاس میں انتخابی اصلاحات سمیت 27 بل منظور کرا کے تاریخی کامیابی حاصل کی ہے۔

انہوں نے کہا کہ حکمران ، اتحادی جماعتیں اور خاص طور سے وزیراعظم مبارکباد کے مستحق ہیں ، حکومت اور اتحادیوں کی کامیابی ملک کی پارلیمانی تاریخ میں ایک سنگ میل کی حیثیت رکھتی ہے ، وزیراعظم نے تمام تر دباؤ کا جرات اور دانشمندی کے ساتھ مقابلہ کیا۔

وزیراعلیٰ بلوچستان نے کہا کہ وزیراعظم نے ارکان پارلیمنٹ کو جس طرح اعتماد میں لیا وہ ان کی سیاسی بصیرت اور اسٹیٹس مین شپ کا ثبوت ہے ، بلوچستان عوامی پارٹی بطور اتحادی روز اول سے وزیراعظم کے ساتھ ہے ، مشترکہ اجلاس میں بھی بی اے پی کے اراکین قومی اسمبلی و سینیٹ نے اتحاد اور نظم و ضبط کا مظاہرہ کیا۔

میرعبدالقدوس بزنجو نے کہا کہ بی اے پی کے اراکین مبارکباد کے مستحق ہیں ، وزیراعظم عمران خان بلوچستان کی ترقی میں ذاتی دلچسپی لے رہے ہیں ، وفاقی حکومت کے تعاون سے ہم بلوچستان کو ترقی دینے میں کامیاب ہوں گے۔

انہوں نے کہا کہ بی اے پی آئندہ بھی صوبے اور ملک میں جمہوری اقدار کی ترقی اور فروغ کے لیے مثبت کردار ادا کرتی رہے گی۔