آئی فون کے کون سے ماڈل آئی او ایس 16 پر اپ ڈیٹ نہیں ہوسکیں گے

ویب ڈیسک

22nd Dec, 2021. 12:50 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آئی فون کے کون سے ماڈل آئی او ایس 16 پر اپ ڈیٹ نہیں ہوسکیں گے

آئی فون کی رفتار سست کرنے کا الزام، ایپل صارفین 768کو ملین پاؤنڈ ادا کرے گا

ایپل نے حال ہی میں آئی فون آپریٹنگ سسٹم کے لیے نئی اپ ڈیٹ آئی او ایس 15.2جاری کی تھی اور اب کمپنی آئی او ایس 16 ریلیز کرنے کی تیاریوں میں مصروف ہے۔

ٹیکنالوجی ویب سائٹ آئی فون سافٹ کے مطابق آئی فون کی اس نئی اپ ڈیٹ میں آئی فون کے نئے ماڈلز کے لیے تو بہت سارے منفرد اور انوکھے فیچر متعارف کریں جائیں گے، لیکن ایپل سیریز کے ابتدائی دس ماڈلز اس نئی اپ ڈیٹ کی سپورٹ سے مستفید نہیں ہو سکیں گے۔ ان ماڈلز میں آئی فون 6 ایس، آئی فون 6 ایس پلس اور آئی فون ایس ای شامل ہیں۔

رپورٹ کے مطابق آئی او ایس 16 کے علاوہ ایپل آئی پیڈ کے لیے آئی پیڈ او ایس 16 کو بھی ریلیز کرنے کی اطلاعات ہیں۔ اور آئی او ایس 16 کی طرح

آئی پیڈ او ایس 16 میں بھی آئی پیڈ کے پرانے ماڈل نئی اپ ڈیٹ سپورٹ سے محروم رہیں گے۔

نئی اپ ڈیٹ سے محوم رہنے والے ماڈلز میں ایپل آئی پیڈ منی 4، آئی پیڈ ایئر 2، آئی پیڈ ففتھ جنریشن اور 2015 میں لانچ ہونے والے آئی پیڈ پرو ماڈل شامل ہیں۔

واضح رہے کہ آئی فون اور آئی پیڈ کے لیے آئی او ایس 15 کی ریلیز کے وقت بھی اس نوعیت کی اطلاعات سامنے آئی تھیں کہ آئی او ایس 14 پر چلنے والے تمام پرانے ماڈل اس نئی اپ ڈیٹ پر نہیں جا سکیں گے، تاہم ریلیز کے بعد یہ سارے ماڈل نئے سسٹم پر اپ ڈیٹ ہوگئے تھے۔