نبی کریم ﷺ کی شانِ اقدس سے متعلق روسی صدر کے بیان کا خیر مقدم

جنید احمد

25th Dec, 2021. 05:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نبی کریم ﷺ کی شانِ اقدس سے متعلق روسی صدر کے بیان کا خیر مقدم

لاہور: مرکزی جمعیتِ اہل حدیث پاکستان کے سربراہ سینیٹر پروفیسر ساجد میر نے نبی کریم ﷺ کی شانِ اقدس سے متعلق بیان کا خیر مقدم کیا ہے۔

روس کے صدر ولادی میر پیوٹن نے بیان دیا تھا کہ نبی کریم ﷺ کی شانِ اقدس میں گستاخی اظہارِ رائے کی آزادی یا فن کا اظہار نہیں ہے۔

سینیٹر پروفیسر ساجد میر نے اپنے بیان میں اقوامِ متحدہ کے سیکرٹری جنرل سے مطالبہ کیا کہ پیوٹن کے بیان کی روشنی میں عالمی سطح پر قانون بنایا جائے، تاکہ انبیا کی شانِ اقدس میں گستاخی کا سلسلہ تھم سکے۔

سینیٹر ساجد میر کا کہنا ہے کہ روسی صدر کا بیان عالمِ اسلام کے اس مؤقف کی تائید ہے کہ حضور ﷺ کی حرمت و تقدس آفاقی ہے، جس پر ہم ولادیمیر پیوٹن کو خراجِ تحسین پیش کرتے ہیں۔

انہوں نے کہا کہ اگر آزادیِ اِظہارِ رائے کو چند اخلاقی ضابطوں کا پابند بنا دیا جائے تو اس سے کوئی انسانی حق مجروح نہیں ہوتا۔

سربراہ بمرکزی جمعیتِ اہل حدیث پاکستان نے مزید کہا کہ یہ حق بے مہار نہیں ہو سکتا اور نہ کوئی ایسا دعویٰ کر سکتا ہے۔

سینیٹر ساجد میر کا اپنبے بیان میں کہنا تھا کہ علم تجوید و حسن قرأت کا حصول ہر مسلمان پر فرض عین ہے، اس علم کے حصول کے ساتھ ساتھ قرآنی تعلیمات پر عمل کرنا بھی ضروری ہے، جو اس کتاب کے نزول کا مقصد ہے۔