علی زیدی کا کہنا ہےکہ عوام کوزرداری مافیاکےخلاف بغاوت کرنی ہوگی۔

وفاقی وزیراورصدر سندھ پی ٹی آئی علی زیدی نےرتوڈیرو میں تحریک انصاف کے حقوقِ سندھ مارچ میں خطاب  کے دوران پیپلز پارٹی کے چئیرمین بلاول بھٹو کا نام لئے بغیر کڑی تنقید کی۔

وفاقی وزیر اسد عمر اور علی زیدی مارچ کے دوران قادرپور رورل ہیلتھ سینٹرپر بھی رکے، جہاں رہنماؤں نے ہیلتھ سینٹرکی خراب صورتحال پر اظہار افسوس کیا۔

علی زیدی نے کہاکہ لوگ اپنے پالتو جانوروں کا ایسی جگہ علاج نہ کرائیں، یہ سمجھتا ہے سندھی قوم کے پاکستانی بھائی یہاں علاج کرائیں،اسی وجہ سے صحت کارڈ نہیں دیتا۔

وفاقی وزیر نے مزید کہاکہ ساٹھ لاکھ بچہ سندھ میں اسکول سے باہر ہے۔

انہوں نے کہاکہ ان لوگوں نے باریاں لگاکرخوب مال بنایا، کیا سندھ سےایڈزکوختم کرایا؟ اسلام آباد کیا لینے جا رہے ہیں؟ بےبی زرداری ابوکا لوٹا مال بچا رہا ہے۔

 وفاقی وزیر نے کہاکہ اپوزیشن ساڑھے 3 سال سے حکومت گرانےکی ناکام کوشش کررہی ہے،آصف زرداری سینمامیں چوری کے ٹکٹ بیچتےتھے۔

علی زیدی نے کہاکہ کیا سندھ میں تعلیمی ادارے ٹھیک ہوگئے؟،2023 میں پی پی سندھ سے ایک سیٹ بھی نہیں جیتےگی،عوام کوزرداری مافیاکےخلاف بغاوت کرنی ہوگی، تیرکوتوڑیں گے،سندھ کوجوڑیں گے۔

پی ٹی آئی رہنما نے مزید کہاکہ لیاری میں ہمارےچیتےنےبلاول بھٹوکوشکست دی۔

تحریک انصاف کا حقوق سندھ مارچ

شاہ محمود قریشی کا کہنا ہےکہ بلاول بھٹوکوبتاؤں گا میں کون ہوں۔

وزیرخارجہ شاہ محمود قریشی نے رتوڈیرو میں تحریک انصاف کے حقوقِ سندھ مارچ میں خطاب کرتے ہوئے کہاکہ میرے خاندان کاتعلق شاہنواز بھٹو، ذوالفقار بھٹو کے ساتھ تھا،آصف زرداری کیاجانیں اصلی بھٹو اورنقلی بھٹوکیا ہے۔

وزیرخارجہ نے اس موقع پر پیشگوئی کرتے ہوئے کہاکہ 2023 میں سندھ میں پی ٹی آئی کی حکومت ہوگی۔