تیراکی کرنا کوئی آسان کام نہیں ہیں لیکن دنیا بھر میں تیراکی کے شوقین افراد تیراکی کے دوران منفرد اور انوکھے کام سرانجام دے کر ورلڈ ریکارڈ بنانے کی کوششوں میں لگے رہتے ہیں۔

ایسا ہی ایک انوکھا کارنامہ سر انجام دیا ہے کروشیا سے تعلق رکھنے والے غوطہ خور ویٹومیر نے، ویٹومیر نے زیرِ آب ایک ہی سانس میں ایک سو سات میٹر چہل قدمی کر کے ورلڈ ریکارڈ اپنے نام کر لیا ہے۔

رپورٹ کے مطابق پانی کی سطح پر چلنا تو ناممکن سی بات ہے لیکن زیرِ آب چہل قدمی کی جا سکتی ہے، غوطہ خور ویٹومیر نے سوئمنگ پول میں کئی چکر لگا کر گینیس بُک آف ورلڈ ریکارڈ کا عالمی اعزاز اپنے نام کر لیا، انہیں دیکھنے والوں کی سانسیں تھم گئی لیکن وہ ایک ہی سانس میں پانی کے اندر چہل قدمی کرتا رہے۔

یاد رہے کہ ویٹومیر نے کارمانہ 17 ستمبر 2021 کو سر انجام دیا، اس کا مقصد فری ڈائیونگ کے بارے میں کی جانے والی تحقیق کے بارے میں آگاہی تھی۔

عالمی ریکارڈ اپنے نام کرنے والے کروشین غوطہ خور کا کہنا ہے کہ اس سے نہ صرف کھیل اور اس کے تحفظ کو مدد ملے گی بلکہ عام طور پر طب کے شعبے کو بھی فائدہ پہنچے گا۔

واضح رہے کہ اس سے قبل مارچ 2020 میں بورس ملوسک نامی ڈائیور نے زیرِ آب 96 میٹر چیل قدمی کر کے ورلڈ ریکارڈ بنایا تھا۔