بحرین کی حکومت نے کا وزیراعظم پاکستان عمران خان کو ان کی خدمات کے اعتراف میں ملک کے اعلیٰ ترین سول ایوارڈ ’شاہ حماد آرڈر آف رنیانس’ دینے کا اعلان کیا ہے-
وزیر اعظم کے معاونِ خصوصی برائے سمندر پار پاکستانی زلفی بخاری نے عرب میڈیا سے گفتگو کرتے ہوئے اس بات کی تصدیق کی ہے کہ بحرین نے وزیر اعظم عمران خان کو اعلیٰ سول ایوارڈ ’شاہ حماد آرڈر آف رنیانس’ دینے کا فیصلہ کیا ہے۔
زلفی بخاری کا مزید کہنا تھا کہ وزیر اعظم رواں ماہ بحرین کا سرکاری دورہ کریں گے جہاں انہیں ملک کے اعلیٰ سول ایوارڈ دینے کی تقریب کا انعقاد کیا جائے گا۔ ان کا مزید کہنا تھا کہ وزیر اعظم عمران خان کو اعلی ترین سول ایوارڈ ’شاہ حماد آرڈر آف رنیانس‘ دیا جائے گا۔
زلفی بخاری کا کہنا تھا کہ ’وزیراعظم دورے کے دوران خلیفہ بن سلمان اور شاہ حماد بن عیسیٰ آل خلیفہ سےملاقات بھی کریں گے جبکہ وہ بحرین کے قومی دن کی تقریبات میں بھی شرکت کریں گے۔
https://twitter.com/sayedzbukhari/status/1200070350249312256
یاد رہے کہ وزیراعظم کے معاونِ خصوصی زلفی بخاری گزشتہ ماہ قطر کے دورے پر گئے تھے جہاں انہوں نے سرکاری حکام سے ملاقاتیں کیں اور مختلف امور پر تبادلۂ خیال کیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News