دنیائے کرکٹ میں کئی نامی گرامی آل راؤنڈر آئے جنہوں نے اپنے ٹیلنٹ سے پوری دنیا کو دھنگ کر دیا تاہم آج ہم ان کھلاڑیوں کا ذکر کریں گے جنہوں نے ٹیسٹ میچ میں ایک ہی اننگ میں   150 سے زائد رنز بنا ئے اور 5 وکٹیں حاصل کیں ۔

تفصیلات کے مطابق بھارتی کر کٹ ٹیم کے سابق آل راؤنڈر وینو منکڈ  پہلے کھلاڑی ہیں جنہوں نے یہ کارنامہ انجام دیا۔

انہوں نے 1952 میں  انگلینڈ کے خلاف 184 رنز کی اننگ کھیلی اور 196 رنز کے عوض 5 وکٹیں بھی حاصل کیں۔

دوسرے نمبر پر ویسٹ انڈیز کے سابق آل راؤنڈر ڈینس اٹکنسن ہیں جنہوں نے  1955 میں آسٹریلیا کے خلاف   219 رنز کی اننگ کھیلی اور 56 رنز کے عوض  5 وکٹیں بھی حاصل کیں۔

تیسرے نمبر پر پاکستان کے سباق آل راؤنڈر مشتاق احمد ہیں جنہوں نے 1973 میں آسٹریلیا کے خلاف 201 رنز کی شاندار اننگ کھیلی اور 49 رنز کے عوض 5 شکار بھی کیے۔

ALL-ROUND SUPREMACY 👏

Ravindra Rockstar Jadeja 𝑗𝑢𝑠𝑡 missed out on becoming the first cricketer to score 150+ and take 🔟 wickets in the match 💥#INDvSL #CricketTwitter pic.twitter.com/mj1hSs0ddt

— Cricwick (@Cricwick) March 6, 2022

اور اب رویندرا جڈیجا بھی اس فہرست میں داخل ہو گئے ہیں انہوں نے رواں ماہ سری لنکا کے خلاف  جاری ٹیسٹ سیرریز میں یہ کارنامہ انجام دیا۔

جڈیجہ نے سری لنکا کے خلاف 175 رنز کی ناقابل شکست اننگ کھیلی جبکہ 41 رنز کے عوض 5 کھلاڑیوں کو پویلین کی راہ بھی دکھائی۔