برطانوی قانون سازوں  خطاب کرتے ہوئے یوکرینی صدر کا کہنا تھا کہ نیٹو یوکرین پر نو فلائی زون نافذ کرنے کے ان کے مطالبات کو ماننے میں ناکام رہا ہے۔انھوں نے وطن کی خاطر آخری دم تک لڑنے کے عزم اعادہ بھی کیا۔

غیر ملکی خبر رساں ادارے کے مطابق زیلنسکی نے روس کے خلاف انتقامی کارروائیوں پر مغربی ممالک کا شکریہ ادا کرتے ہوئے یہ کہا کہ نیٹو یوکرین پر نو فلائی زون نافذ کرنے کے ان کے مطالبات کو ماننے میں ناکام رہا ہے۔

روس پر عائد پابندیوں کے تناظر میں ان کا کہنا تھا کہ براہ کرم اس ملک کے خلاف پابندیوں کا دباؤ بڑھائیں۔ روس  کو ایک دہشت گرد ریاست کے طور پر تسلیم کریں۔ اور براہ کرم اس بات کو یقینی بنائیں کہ ہمارے آسمان محفوظ ہیں۔

اس ضمن میں برظانوی وزیر اعظم بورس جانسن کا کہنا تھا کہ ہماری تمام صدیوں کی پارلیمانی جمہوریت میں پہلے کبھی ایوان نے اس طرح کا خطاب نہیں سنا۔اس خطاب نے اس ایوان میں موجود ہر ایک کے دل کو متاثر کیا ہے،

 انہوں نے اس عزم کا اظہار کیا کہ امریکہ اور برطانیہ کی جانب سے روسی تیل پر پابندی کے اعلان کے بعد مغرب اسلحے کی سپلائی اور مزید پابندیاں عائد کرنے کے لیے پرعزم ہے۔

یوکرینی صدر ولادیمیر زیلنسکی برطانوی پارلیمان کے ہاؤس آف کامنز سے ویڈیو لنک کے ذریعے خطاب کریں گے جس کے بعد وہ کسی بھی ملک کے صدر

کی حیثیت سے ایسا کرنے والی پہلی شخصیت بن جائیں گے۔

غیر ملکی خبر رساں ادارے کے مطابق روس یوکرین کے مابین جاری تنازعہ کے چلتے یوکرینی صدر زیلنسکی برطانیہ کی پارلیمان کے دارالعوام سے ویڈیو لنک کے ذریعے خطاب کریں گے۔

برطانوی قانون دانوں کو یوکرینی صدر کی تقریر سنانے کے لیے ہاؤس آف کامنز کے اندر راتوں رات سکرین لگائی گئی ہیں اور پانچ سو ہیڈ سیٹ مہیا کئے گئے ہیں جن پر تقریر کے ساتھ انگریزی ترجمہ ہوتا رہے گا۔

برطانوی دارالعوام کے سپیکر لنزے ہویل نے اپنے جاری کردہ بیان میں کہا ہے کہ تمام قانون دان یوکرینی صدر کو براہ راست سننا چاہتے ہیں جو یوکرین سے براہ راست ہم سے مخاطب ہوں گے۔ یہ دارالعوام کے لیے ایک اچھا موقع ہے۔

ہاؤس آف کامنز کے اسپیکر نے ملازمین کو شکریہ ادا کرتے ہوئے کہا کہ ہم اپنے زبردست عملے کے شکر گزار ہیں جنھوں نے یہ تاریخی خطاب کو ممکن بنانے کے لیے برق رفتاری سے کام کیا۔