وفاقی وزیر فواد چوہدری نے کہا ہے کہ گزشتہ روز اسلام آباد میں پیش آنے والے واقعے سے جعلی دانشور ایک بار پھر ظاہر ہو گئے ہیں۔

 سماجی رابطے کی ویب سائٹ پر اپنے ایک پیغام میں وفاقی وزیر فواد چوہدری کا نے جے یو آئی ایف کے گرفتار ملزمان کے حوالے سے بات کی ہے۔

جمیعت کے غنڈوں نے کان پکڑ کر معافی مانگ لی اورنکل گئے(نہیں چھوڑنے چاہئیں تھے) لیکن اس واقعے سے جعلی دانشور ایک بار پھر ظاہر ہو گئےجو بغض عمران میں جتھوں کی بھی حمائیت سے باز نہیں آئے، اپوزیشن اور میڈیا میں ان کے حمائیتی ایک مخصوص مافیا کا حصہ ہیں جو اپنے مفادات کے کیلئے اکٹھے ہیں

Advertisement

— Ch Fawad Hussain (@fawadchaudhry) March 11, 2022

 انہوں نے اپنے پیغام میں کہا کہ جمیعت کے غنڈوں نے کان پکڑ کر معافی مانگ لی اورنکل گئے لیکن انہیں چھوڑنا نہیں چاہیئے تھا۔

 ان کا کہنا تھا کہ س واقعے سے جعلی دانشور ایک بار پھر ظاہر ہو گئے جو بغض عمران میں جتھوں کی بھی حمایت سے باز نہیں آئے۔

انہوں نے مزید کہا کہ اپوزیشن اور میڈیا میں ان کے حمایتی ایک مخصوص مافیا کا حصہ ہیں جو اپنے مفادات کے کیلئے اکٹھے ہیں۔

اس سے قبل فواد چوہدری نے لکھا تھا کہ پارلیمنٹ لاجز پر جمیعت کے غنڈوں کا حملہ ہر لحاظ سے قابلِ مذمت ہے۔

پارلیمنٹ لاجز پر جمیعت کے غنڈوں کا حملہ ہر لحاظ سے قابل مذمت ہے، سپیکر اسمبلی نے اسلام آباد پولیس کو ان جتھوں کے سہولت کاروں کے خلاف سخت کاروائ کا حکم دیا ہے انشاللہ قانون کے مطابق ان غنڈوں اور سہولت کاروں سے نبٹا جائیگا

— Ch Fawad Hussain (@fawadchaudhry) March 10, 2022

انہوں نے کہا کہ اسپیکر اسمبلی نے اسلام آباد پولیس کو ان جتھوں کے سہولت کاروں کے خلاف سخت کارروائی کا حکم دیا۔

ان کا کہنا تھا کہ قانون کے مطابق ان غنڈوں اور سہولت کاروں سے نمٹا جائے گا۔

خیال رہے کہ گزشتہ روز انصارالاسلام کے رضاکاروں نے پارلیمنٹ پر دھاوا بول دیا جس کا آئی جی اسلام آباد محمد احسن یونس نے نوٹس لے لیا اور ایم این اے سمیت کئی رضاکاروں کو گرفتار کرلیا گیا تھا۔