ثمینہ پیرزادہ کا جامعہ کراچی میں دھماکے پر اظہارِ افسوس

ویب ڈیسک

27th Apr, 2022. 02:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ثمینہ پیرزادہ کا جامعہ کراچی میں دھماکے پر اظہارِ افسوس

پاکستان کی سینئر اداکارہ ثمینہ پیرزادہ نے گزشتہ روز جامعہ کراچی میں ہونے والے خودکش حملے پر اظہارِ افسوس کیا ہے۔

اداکارہ نے اپنے ٹوئٹ میں لکھا کہ یا اللہ رحم بہت دکھ ہے اور آنے والے وقت کا خوف بھی۔

اُنہوں نے پاکستان کی حفاظت کے لیے دعا کرتے ہوئے لکھا کہ خدارا ہمارے ملک پہ رحم کردے، ہم نے پہلے ہی بہت تکلیفیں اٹھائی ہیں۔

ثمینہ پیرزادہ نے لکھا کہ اپنے چینی مہمانان سے معافی کہ ہم آپکا خیال نہ رکھ سکے۔

ایک اور ٹوئٹ میں اداکارہ نے لکھا کہ برسوں لگتے ہیں ایک استاد بنانے میں ظالمو،یہ کیسےعلم دشمن لوگ ہیں، ہمارے اللہ نے حکم دیا اقراء یعنی (پڑھ)، میری تمام دعائیں دُکھی خاندانوں کے ساتھ ہیں۔

برسوں لگتے ہیں ایک استاد بنانے میں ظالمو۔یہ کیسے لوگ ہیں ۔ علم دشمن .اور ہمارے اللہ نے حکم دیا “پژھ”، میری تمام دعائیں دُکھی خاندانوں کے ساتھ
— Samina Peerzada (@SaminaSays) April 26, 2022

یاد رہے کہ جامعہ کراچی میں گزشتہ روز ہونے والے خودکش حملے میں 3 چینی شہری ہلاک ہو گئے۔

یونیورسٹی میں کنفیوشس انسٹیٹیوٹ کے باہر خاتون نے وین کے قریب پہنچنے پر خود کو دھماکے سے اڑا لیا، دھماکے کے نتیجے میں ڈرائیور بھی جاں بحق ہو گیا۔

بم ڈسپوزل اسکواڈ کے مطابق دھماکے میں 3 سے 4 کلو بارودی مواد استعمال کیا گیا تھا۔