صدر مملکت ڈاکٹر عارف علوی کا کہنا ہے کہ پاکستان کیلئے محترمہ فاطمہ جناحؒ کی خدمات کو مدتوں یاد رکھا جائے گا۔

ڈاکٹر عارف علوی نے مادر ملت محترمہ فاطمہ جناحؒ  کو ان کی 55ویں برسی پر خراج عقیدت پیش کیا ہے۔

صدر مملکت ڈاکٹر عارف علوی کا مادر ملت محترمہ فاطمہ جناح کو ان کی برسی پر خراج عقیدت

پوری قوم مادر ملت کو سلام پیش کرتی ہے، صدر مملکت

Advertisement

قائداعظم محمد علی جناح کے لیے ان کی بھرپور حمایت تحریک پاکستان کے لیے تقویت کا باعث بنی، صدرمملکت pic.twitter.com/oFGsJeqmUh

— The President of Pakistan (@PresOfPakistan) July 9, 2022

صدر مملکت نے اپنے جاری کردہ پیغام میں کہا کہ فاطمہ جناحؒ کا سیاست میں قائدانہ کردار پاکستانی خواتین کے لیے حوصلہ افزائی کا باعث ہے۔

انہوں نے کہا کہ فاطمہ جناح کی قائداعظم محمد علی جناح کی حمایت نے تحریک پاکستان کو تقویت دی۔

ڈاکٹر عارف علوی نے کہا کہ مادرِ ملت نے اپنے بھائی محمد علی جناح کی بیماری کے دوران ان کی بہترین دیکھ بھال کی۔

صدر مملکت نے مزید کہا کہ پاکستان کے لیے ان کی خدمات کو مدتوں یاد رکھا جائے گا، پوری قوم مادر ملت کو سلام پیش کرتی ہے۔

دوسری جانب وزیراعظم شہبازشریف نے بھی مادر ملت محترمہ فاطمہ جناحؒ کی 55 ویں برسی پر خراج عقیدت پیش کرتے ہوئے کہاکہ محترمہ کی قیام پاکستان، بانی پاکستان اور تعمیر پاکستان کے لئے عظیم خدمات پر انہیں پوری قوم سلام پیش کرتی ہے۔

یہ بھی پڑھیں: مادرملت فاطمہ جناحؒ کی 55ویں برسی انتہائی عقیدت اور احترام کیساتھ منائی جارہی ہے

شہبازشریف نے کہا کہ انہوں نے خواتین کو تحریک پاکستان میں متحرک ومنظم کرنے اور سیاسی جوجہد میں مردوں کے شانہ بشانہ کردار ادا کرنے کا حوصلہ، ہمت اور راہنمائی فرمائی۔