بھارتی ریاست ہماچل پردیش میں کلاؤڈ برسٹ نے تباہی مچادی

ویب ڈیسک

13th Aug, 2022. 01:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارتی ریاست ہماچل پردیش میں کلاؤڈ برسٹ نے تباہی مچادی

بھارتی ریاست ہماچل پردیش کے ایک ضلعے میں کلاؤڈ برسٹ کے باعث سیلابی صورتحال پیدا ہوگئی۔

بھارتی میڈیا کی رپورٹ کے مطابق ریاست ہماچل پردیش کے ضلع کلو میں رات 3 بجے کلاؤڈ برسٹ کے باعث طوفانی بارشیں ہوئیں جس سے ضلعے میں سیلابی صورتحال پیدا ہوگئی۔

ہماچل کے علاقے انی میں سیلاب میں متعدد دکانیں بہہ گئیں، بے شمار گھروں میں پانی داخل ہوگیا جس سے کئی گھروں کو نقصان پہنچا جبکہ کئی گاڑیاں بھی تباہ ہوئی ہیں۔

سوشل میڈیا پر سیلاب کی بے شمار تصاویر اور ویڈیوز گردش کر رہی ہیں۔ایسی ہی ایک ویڈیو میں ایک دکان کو اچانک منہدم ہو کر سیلابی ریلے میں بہتے بھی دیکھا جاسکتا ہے۔

ریاستی ڈیزاسٹر مینجمنٹ اتھارٹی کا کہنا ہے کہ سیلاب سے ایک مکان منہدم ہوا جس کے ملبے تلے دب کر 2 خواتین جاں بحق ہوگئیں۔

پانڈوہ منڈی کے قریب 7 میل کی سڑک پر لینڈ سلائیڈنگ بھی ہوئی جس سے نیشنل ہائی وے 21 پر گاڑیوں کی آمد و رفت متاثر ہوئی۔

ڈیزاسٹر مینجمنٹ اتھارٹی کا کہنا ہے کہ ضلع میں امدادی کارروائیاں جاری ہیں۔