پرویز اشرف نے کہا ہے کہ چین اور پاکستان کے درمیان مثالی دوستی موجود ہے۔

تفصیلات کے مطابق اسپیکر قومی اسمبلی پرویز اشرف سے چین کے سفیر نونگ رونگ کی پارلیمنٹ ہاؤس میں ملاقات ہوئی جس میں دوطرفہ تعلقات سمیت باہمی دلچسپی کے امور پر تبادلہ خیال کیا۔

ملاقات میں دونوں رہنماؤں نے پاکستان اور چین کے مابین دوطرفہ تعلقات کو مزید وسعت دینے پر زور دیا۔

اس موقع پر پرویز اشرف نے کہا کہ پاکستان میں حالیہ سیلاب میں چینی حکومت اور عوام نے دل کھول کر مدد کی ہے۔

اسپیکر قومی اسمبلی کا کہنا تھا کہ چین کی حکومت اور عوام کی طرف سے ملنے والی حمایت اور محبت قابل قدر ہے۔

ان کا یہ بھی کہنا تھا کہ چین اور پاکستان کے درمیان مثالی دوستی موجود ہے، دونوں ممالک نے علاقائی اور بین الاقوامی فورمز پر ہمیشہ ایک دوسرے حمایت کی ہے۔

  پرویز اشرف نے کہا کہ پارلیمانی تبادلوں سے دونوں ممالک اراکین پارلیمنٹ تجربات میں اضافہ ہوگا جبکہ سی پیک منصوبے کی تکمیل سے خطے میں ترقی اور خوشحالی کے نئے دور کا آغاز ہوگا۔

اسپیکر قومی اسمبلی نے چین میں آنے والے حالیہ زلزلے پر چینی سفیر سے تعزیت کا اظہار بھی کیا۔

انہوں نے کہا کہ پاکستان تاریخ کے بدترین سیلاب سے دوچار ہے، پاکستان میں حالیہ سیلاب موسمیاتی تبدیلیوں کے مضر اثرات کا شاخسانہ ہے۔

اسپیکر قومی اسمبلی پرویز اشرف نے مزید کہا کہ عالمی برادری کو پاکستان میں موسمیاتی تبدیلیوں کی وجہ سے  ہونے والے نقصانات سے نمٹنے اور مثاثرین کی بحالی کے سلسلے میں آگے بڑھنا چاہیے۔

اس موقع پر چینی سفیر نوگ رونگ نے پاکستان حالیہ سیلاب کے دوران ہونے والے قیمتی جانی نقصان پر دکھ اور افسوس کا اظہار کیا۔

نوگ رونگ نے متاثرین کی بحالی کے سلسلے میں چین کی جانب سے ہر ممکن تعاون کا یقین دلایا۔

چینی سفیر نوگ رونگ نے مزید کہا کہ چین کی حکومت اور عوام پاکستان دکھ کی اس گھڑی میں برابر کے شریک ہیں، چین مشکل وقت میں پاکستان پاکستان کے شانہ بشانہ کھڑا ہے۔