مونس الہٰی نے کہا ہے کہ شریف برادران کا سارا خاندان ہی فراڈ ہے۔

تفصیلات کے مطابق مسلم لیگ ن کی نائب صدر مریم نواز اور وزیراعظم شہباز شریف کی آڈیو لیک پر سابق وفاقی وزیر مونس الہٰی کا ردعمل سامنے آگیا۔

سماجی رابطے کی ویب سائٹ ٹویٹر پر اپنے ایک پیغام میں مونس الہٰی نے کہا کہ مجھے مریم نواز اور شہباز شریف کی بات سن کر حیرت ہوئی۔

مجھے حیرت ہوئی @MaryamNSharif اور @CMShehbaz کی بات سن کے۔ سارا خاندان ہی فراڈ ہے۔ خراب تو @ChParvezElahi نے ہونا تھا ان کا CM بن کر۔ اللہ پاک نے ہم سب کو بچا لیا۔ pic.twitter.com/5FDDF8lLvP

Advertisement

— Moonis Elahi (@MoonisElahi6) September 25, 2022

سابق وفاقی وزیر مونس الہٰی کا مزید کہنا تھا کہ سارا خاندان ہی فراڈ ہے، چوہدری پرویز الہٰی نے خراب تو ان کا وزیر اعلیٰ بن کر ہونا تھا، اللہ پاک نے ہم سب کو بچا لیا۔

مبینہ آڈیو لیک ، شہباز شریف کے بھارت سے خفیہ تعلقات بے نقاب

شہباز شریف کی مبینہ آڈیو لیک ہوگئی، بھارت سے خفیہ تعلقات بے نقاب ہوگئے۔

تفصیالت کے مطابق وزیراعظم شہباز شریف سے منسوب کردہ ایک آڈیو لیک منظر عام پر آئی ہے جس میں ایک سرکاری افسر مبینہ طور پر شہباز شریف سے ان کی بھتیجی مریم نواز شریف کی سفارشوں کے حوالے سے گفتگو کرتے سنائی دے رہے ہیں۔

مبینہ آڈیو میں سرکاری افسر نے شہباز شریف کو مریم نوازشریف کی جانب سے اپنے داماد راحیل کیلئے بھارت سے پاور پلانٹ امپورٹ کرنے سے متعلق سفارش کے حوالے سے آگاہ کیا۔

شہباز شریف نے مریم کے داماد کیلئے سرکاری افسر پر دباؤ ڈالا جس پر سرکاری افسر نے کہا کہ سر یہ کام بہت مشکل ہے، پہلے یہ ای سی سی میں جائے گا پھر کابینہ میں آئے گا ، اس پر شدید ردعمل آنے کی توقع ہے، یہ ہمارے گلے پڑجائے گا۔

سرکاری افسر نے کہا کہ مریم نواز شریف نے 2 کام میرے ذمہ لگائے تھے، ایک تو کسی سوسائٹی میں گرڈ اسٹیشن کیلئے کہا تھا وہ تو ہم کررہے ہیں جس پر شہباز شریف نے افسر سے کہا کہ نے کہا کہ وہ تو نیشنل وےمیں ہوجائے گا اسے کروادیں لیکن انڈیا سے مشنری لانا یہ مشکل کام ہے، چپکے سے بھی نہیں کرسکتے ، ای سی سی میں ڈسکس ہوگا تو مسئلہ بنے گا، آپ طریقے سے پہلے انہیں آگاہ کردیں پھر میں انہیں سمجھادوں گا۔