پاکستان میں تعینات ہونے والے نئے جرمن سفیر الفریڈ گرینس نے 25 اکتوبر کو پاک فوج کے سربراہ جنرل قمر جاوید باجوہ سے جی ایچ کیو راولپنڈی میں ملاقات کی۔ ملاقات میں باہمی دلچسپی کے اُمور، مجموعی علاقائی صورتحال اور مختلف شعبوں میں دوطرفہ تعاون پر تبادلہ خیال کیا گیا۔
سربراہ پاک فوج نے کہا کہ پاکستان جرمنی سے اپنے تعلّقات کو بہت اہمیت دیتا ہے۔ انہوں نے معزز مہمان کو سفیر کا عہدہ سنبھالنے پر مبارکباد دی اور امید ظاہر کی کہ دونوں ممالک کے درمیان تعلّقات مزید فروغ پائیں گے۔
معزز جرمن سفیر نے پاکستان میں سیلاب سے ہونے والی تباہی پر دکھ کا اظہار کیا اور متاثرین کے اہل خانہ سے دلی تعزیت کی۔
اُنہوں نے علاقائی استحکام کے لیے پاکستان کی مُسلسل کوششوں کو بھی سراہا اور پاکستان کے ساتھ ہر سطح پر سفارتی تعاون کو مزید بہتر بنانے کے لیے اپنا کردار ادا کرنے کا عزم کیا۔
Advertisement
Advertisement
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
