آسٹریلیا اور جنوبی افریقہ کے درمیان برسبین کے گابا اسٹیڈیم میں کھیلا گیا ٹیسٹ میچ  دوسری جنگ عظیم کے بعد دوسرا مختصر ترین ٹیسٹ میچ بن گیا۔

آسٹریلیا کی میزبانی کی تاریخ میں دو ہی ٹیسٹ میچز ایسے کھیلے گئے ہیں جو صرف دو دن میں اختتام پذیر ہوگئے۔ پہلا میچ 1931 میں میلبرن میں آسٹریلیا اور ویسٹ انڈیز کے درمیان ہوا تھا۔

مزید پڑھیں: ایڈیلیڈ کے میدان میں کئی ریکارڈز ٹوٹ گئے، انگلینڈ نے نئی تاریخ رقم کردی

برسبین ٹیسٹ آسٹریلیا میں گیندوں کے لحاظ سے دوسرا مختصر ترین مکمل ٹیسٹ  میچ بھی ہے جس کا فیصلہ صرف 866 گیندوں پر ہوا۔

Advertisement

2 days, job done ✅

More stats from the #AUSvSA Test – https://t.co/eiKADLOdDs pic.twitter.com/WIBTVJeRCV

— ESPNcricinfo (@ESPNcricinfo) December 18, 2022

ٹیسٹ کرکٹ میں صرف سات مواقع ایسے ہیں جب کوئی ٹیسٹ میچ برسبین ٹیسٹ کی 866 گیندوں سے کم گیندوں پر اختتام پذیر ہوا جن میں سے پانچ دوسری جنگ عظیم سے قبل کھیلے گئے۔

گزشتہ برس  بھارتی شہر  احمد آباد میں بھارت اور انگلینڈ کے درمیان ٹیسٹ میچ صرف 842 گیندوں میں مکمل ہوگیا تھا۔

Sit back and enjoy the best catches from a wild two days at the Gabba!#Dettol | #CleanHands | #AUSvSA pic.twitter.com/tSoinMPlnB

— cricket.com.au (@cricketcomau) December 19, 2022

برسبین ٹیسٹ میں بولرز نے 25.4کے اسٹرائیک ریٹ سے وکٹیں حاصل کرکے 115 سالہ ریکارڈ بھی توڑدیا۔ یہ کسی بھی مکمل ٹیسٹ  میچ میں  بولرز کا دوسرا بہترین اسٹرائیک  ریٹ ہے۔

مزید پڑھیں: برمنگھم ٹیسٹ میں انگلینڈ کی فتح سے کئی ریکارڈز چکنا چور اور کئی نئے ریکارڈز قائم ہوگئے

واضح رہے کہ اس متنازع  ٹیسٹ میچ میں آسٹریلیا نے 6 وکٹوں سے فتح حاصل کرکے تین ٹیسٹ میچز کی سیریز میں 0-1 کی برتری حاصل کرلی ہے۔