زمین پر زندہ رہنے کے لیے آکسیجن ہر جاندار کے لیے بہت ضروری ہوتی ہے لیکن اب ایک ایسا جانور جس کے لیے آکسیجن اہمیت نہیں رکھتا ہے۔

تفصیلات کے مطابق ایک ایسا خلیاتی جانور جو آکسیجن کے بغیر زندہ رہ سکتا ہے۔

ایک ایسے ننھے طفیلی جاندار Henneguya salminicola کے بارے میں جان لیں جو سامن مچھلی کے مسل ٹشو کے اندر رہتا ہے۔

اس خلیاتی جانور میں 10 سے بھی کم خلیات ہوتے ہیں یہ جیلی فش جیسا ہے اور یہ جاندار آکسیجن کے بغیر زندہ رہتا ہے۔

یاد رہے کہ یہ پہلا خلیاتی جانور دریافت ہوا ہے جو زندگی کے لیے انتہائی ضروری آکسیجن کے بغیر بھی زندہ رہ سکتا ہے۔

جریدے جرنل پروسیڈنگز آف دی نیشنل اکیڈمی آف سائنسز میں شائع تحقیق میں اس طفیلی جاندار کے تمام جینز کا جائزہ اور سیکونس بنایا گیا۔

جس میں دریافت ہوا کہ اس میں وہ ڈی این اے مشینری موجود نہیں جو نظام تنفس کے لیے ضروری ہے۔

آکسیجن کے بغیر زندہ رہنے والے پہلے جاندار کے بارے میں محققین کا کہنا تھا کہ درحقیقت اس میں مائی ٹو کانڈریا خلیات میں پائے جانے والا ایسا جسیمہ جس میں تنفس اور توانائی کی پیدائش کے خامرے ہوتے ہیں۔

 آکسیجن کے بغیر زندہ رہنے والے پہلے جاندار کی دریافت حادثاتی طور پر ہوئی کیونکہ سائنسدان تو بس مختلف جانداروں کے جینوم کی جانچ پڑتال کررہے تھے اور اس دوران جب اس طفیلی جاندار کے مائی ٹو کانڈریا جینز کو تلاش کیا گیا تو انہیں کچھ بھی نہیں ملا۔

تل ابیب یونیورسٹی کے سائنسدانوں کا کہنا تھا کہ ہماری دریافت سے ثابت ہوتا ہے کہ ارتفائی عمل حیرت انگیز بھی ہوسکتا ہے۔

یاد رہے کہ سائنسدان تاحال یہ وضاحت نہیں کرسکے کہ آخر یہ جاندار توانائی کیسے حاصل کرتا ہے۔

واضح رہے کہ سائنسدانوں کے خیال میں یہ سامن مچھلی کے خلیات سے آکسیجن کو حاصل کرتا ہوگا۔