وزیراعظم کی معاون خصوصی ڈاکٹر فروس عاشق اعوان نے کہا ہے کہ چوری پر سینہ زوری کرنے والے عناصر عوام کو مزید گمراہ نہیں کر سکتے۔

تفصیلات کے مطابق سوشل میڈیا کی ویب سائٹ پر اپنے ایک پیغام میں معاون خصوصی ڈاکٹر فردوس عاشق اعوان نے احسن اقبال کے بیان پر ردعمل ظاہر کرتے ہوئے کہا ہے کہ احسن اقبال صاحب! چوری پر سینہ زوری کرنے والے عناصر عوام کو مزید گمراہ نہیں کر سکتے۔

احسن اقبال صاحب! چوری پر سینہ زوری کرنے والے عناصر عوام کو مزید گمراہ نہیں کر سکتے۔حکومت پر سیخ پا ہونے کے بجائے اپنی قیادت کوکوسیں جو ہر بار میدان سے بھاگ جاتی ہے۔ حزب اختلاف بننے کا خواب دیکھنے والے جان لیں کہ ن لیگ میں ہر اہم عہدہ صرف" خاندان"میں ہوتا ہے۔

— Dr. Firdous Ashiq Awan (@Dr_FirdousPTI) February 28, 2020

انہوں نے مزید کہا ہے کہ چار دن جیل میں نہ گزارنے والوں کی چیخیں بند نہیں ہو رہیں۔احسن اقبال صاحب معاشی دہشتگرد وہ تھے جو عوام کو غریب کر کے ایوان فیلڈ کے پر آسائش محل میں لطف اٹھا رہے ہیں۔

میرےخلاف ایسا ریفرنس دائرہواجس میں ملزم ہوں نہ مطلوب

اپنے پیغام میں ان کا کہنا تھا کہ ملکی اثاثے گروی رکھ کر قوم کو قرض کی دلدل میں دھکیلنے والے آج قوم کے ہمدرد بننے کی کوشش کر رہے ہیں۔

انہوں نے مزید کہا ہے کہ حکومت پر سیخ پا ہونے کے بجائے اپنی قیادت کوکوسیں جو ہر بار میدان سے بھاگ جاتی ہے۔ حزب اختلاف بننے کا خواب دیکھنے والے جان لیں کہ ن لیگ میں ہر اہم عہدہ صرف” خاندان”میں ہوتا ہے۔

یاد رہے کہ مسلم لیگ ن کے رہنما احسن اقبال نے کہا ہے کہ حکومت اور نیب نے مجھے بدنیتی سے ہدف بنایا ہوا ہے، میرے خلاف ایک ایسا ریفرنس گوجرانولہ سے ریفر ہوا ہے جس میں نہ ملزم ہوں نہ مطلوب ہوں ، یہ بدنیتی پر مبنی ہے اور اس کا مقصد مسلم لیگ ن کو ہراساں کرنا ہے، میری فیملی کو ہراساں کیاجارہا ہےجس کا مقصد یہ ہے ہم اپنے موقف سے پیچھے ہٹیں۔

نارووال اسپورٹس سٹی کیس کی سماعت کے بعد میڈیا سے گفتگوکرت ےہوئے مسلم لیگ ن کے رہنما کا کہنا ہے کہ مجھے اچھے کام کرنے کی سزا دی جا رہی ہے، ہماری حاضریاں لگوائی جا رہی ہے، مافیا آزاد پھررہا ہے۔