رواں برس صدقہ فطر اور فدیے کی کم از کم رقم کتنی ہے؟ مفتی منیب الرحمان کا اہم اعلان

ویب ڈیسک

08th Apr, 2023. 12:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

رواں برس صدقہ فطر اور فدیے کی کم از کم رقم کتنی ہے؟ مفتی منیب الرحمان کا اہم اعلان
مشرف علی زیدی عالمی میڈیا کےلئے ترجمان وزیراعظم مقرر، عطا اللہ تارڑ کی تصدیق ، نو ٹیفکیشن جاری
پنجاب اسمبلی کا 34 واں اجلاس کل شروع ہوگا، اہم بلز اور حکومتی امور پر بحث متوقع
ریڈ لائن منصوبہ عوام کیلیے وبال جان، پیپلزپارٹی نے کراچی کو تجربہ گاہ بنا دیا، حافظ نعیم الرحمان

Now Reading:

رواں برس صدقہ فطر اور فدیے کی کم از کم رقم کتنی ہے؟ مفتی منیب الرحمان کا اہم اعلان

مرکزی رویت ہلال کمیٹی کے سابق چیئرمین مفتی منیب الرحمان نے صدقہ فطر اور فدیے کی کم از کم رقم کے بارے میں بتادیا ہے۔

تفصیلات کے مطابق معروف عالم دین مفتی منیب الرحمان کا کہنا ہے کہ سال 2023 کیلئے صدقہ فطر اور فدیے صوم کی کم ازکم مقدار 320 روپے فی کس مقرر کی گئی ہے۔

انہوں نے کہا کہ گندم کے آٹے کے حساب سے صدقہ فطر اور فدیہ دینے والوں کیلئے لازم ہے کہ وہ دو کلو آٹے کے حساب سے (جس معیار کا آٹا وہ خود کھاتے ہیں) صدقہ فطر ادا کریں۔ یہ صدقہ فطر اور فدیے کی کم سے کم مقدار ہے جو تقریباً 320 روپے بنتی ہے۔

مفتی منیب الرحمان نے کہا کہ جو شخص جَو (چار کلو) کے حساب سے صدقہ فطر اور فدیہ دینا چاہے اس کے لیے صدقہ فطر اور ایک روزے کے فدیے کی مقدار تقریباً 480 روپے مقرر کی گئی ہے۔

معروف عالم دین نے کہا کہ اہلِ ثروت اپنی مالی حیثیت کے مطابق کھجور اور کشمش کے حساب سے صدقہ فطر اور فدیہ ادا کرسکتے ہیں۔

مفتی منیب الرحمان نے کہا ہے کہ کشمش درجہ اول کے حساب سے فطرہ اور ایک روزے کا فدیہ 6400 روپے مقرر کیا گیا ہے جبکہ کشمش درجہ دوم کے حساب سے فطرہ اور روزے کا فدیہ 4800 روپے مقرر کیا گیا ہے۔