پاکستان کی معروف اداکارہ فریال محمود کا کہنا ہے کہ ایک بار اپنی ہم جماعت لڑکی کی پسلیاں توڑ دی تھیں۔

حال ہی میں پاکستان کی معروف اداکارہ فریال محمود نے ایک نجی ٹی وی چینل کے شو میں شرکت کی جہاں انہوں نے خود سے متعلق کئی انکشافات کیے۔

 انہوں نے کہا کہ کیریئر کے آغاز میں اُنہیں اردو بولنا اور نہ پڑھنا آتی تھی مگر اداکاری کا بہت شوق تھا، وہ امریکا سے خصوصاً پاکستان آئی ہی اداکاری کرنے تھیں۔

فریال محمود نے کہا کہ اُن کی والدہ، خالہ اور خاندان کے متعدد افراد اداکار تھے تو اُن کا کہنا تھا کہ وہ بھی پاکستان جا کر اداکاری ہی کریں گی۔

اداکارہ نے کہا کہ انہوں نے اسکول کے دس برسوں کے دوران 11 سے 12 اسکول تبدیل کیے تھے، وہ دو سے تین بار اسکول سے سسپینڈ بھی کی جا چکی ہیں، اُن کی عادت تھی مارنا اور انہوں نے ایک بار اپنی ہم جماعت لڑکی کی پسلیاں توڑ دی تھیں۔

انہوں نے کہا کہ اگر وہ اداکارہ نہ ہوتیں تو وہ چور ہوتیں، اُن کا ماننا ہے کہ وہ اداکاری اچھی کرتی ہیں اسی لیے وہ کسی کو بھی بیچ کر کھا سکتی ہیں۔

اداکارہ نے کہا کہ مذاق کے علاوہ اگر وہ اداکارہ نہ ہوتیں تو وہ گلوکارہ ہوتیں اور اگر گلوکارہ بھی نہ ہوتیں تو پھر وہ یقیناً چور ہوتیں اور چھوٹی موٹی نہیں بلکہ بڑی بڑی چوریاں کرتیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں