کینیڈا نے  ہردیپ سنگھ قتل کے معاملے پر بھارت کے خلاف مزید تین بڑے ممالک کی حمایت حاصل کرلی۔

بین الاقوامی خبر رساں ادارے کے مطابق  امریکہ کے بعد اردن، متحدہ عرب امارات اور برطانیہ نے بھی کینیڈا کی حمایت کا اعلان کردیا۔

ایک برطانوی  اخبار کی رپورٹ کے مطابق 6  اکتوبر کو جسٹن ٹروڈو نے برطانوی وزیر اعظم رشی سوناک سے ٹیلیفونک رابطہ کیا ۔ 8 اکتوبر کو کینیڈین وزیر اعظم اور متحدہ عرب امارات کے صدر شیخ محمد بن زاید کے درمیان بات چیت ہوئی۔

برطانوی وزیر اعظم رشی سوناک نے کہا کہ  قانون کی پاسداری تمام ممالک پر لاگو ہے۔

بھارتی میڈیا کے مطابق 9  اکتوبر کو نجر قتل معاملے میں جسٹن ٹروڈو نے اردن کے فرمارواں عبداللہ بن الحسین کی بھی حمایت حاصل کرلی۔

اردن، برطانیہ اور متحدہ عرب امارات کے حکمرانوں نے بھارت کے خلاف قانونی کارروائی پر زور دیا۔

شیخ محمد بن زاید نے قانون کی بالادستی اور شہریوں کے تحفظ پر گہری تشویش کا اظہار کیا۔

بین الاقوامی خبر رساں ادارے کے مطابق 21  ستمبر کو کینیڈا نے فائیو آئیز انٹیلیجنس کی مدد سے بھارت کے ہردیپ سنگھ کے قتل میں ملوث ہونے کا انکشاف کیا تھا۔

امریکہ اور برطانیہ سمیت متعدد ممالک بھارت کے خلاف قانونی کارروائی کی تائید کرچکے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں