سعودی عرب کی پاکستان کیلئے 3 ارب ڈالرز کے ڈپازٹ کی مدت میں توسیع

ویب ڈیسک

29th Nov, 2023. 08:05 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

سعودی عرب کی پاکستان کیلئے 3 ارب ڈالرز کے ڈپازٹ کی مدت میں توسیع
شہریوں کے تحفظ کیلئے سرحد پار دہشتگردوں کیخلاف اقدمات کرتے رہیں گے ، خواجہ آصف
بابر کی فارم میں شاندار واپسی ، مداحوں نے خوب لطف اٹھایا، آؤٹ ہوتے ہی اسٹیڈیم خالی ہو گیا
3 سالہ میکرو اکنامک اور فسکل فریم ورک جاری،معاشی شرح نمو بڑھ کر 5.7 فیصدتک جانے کی توقع

Now Reading:

سعودی عرب کی پاکستان کیلئے 3 ارب ڈالرز کے ڈپازٹ کی مدت میں توسیع

اسٹیٹ بینک آف پاکستان نے کہا ہے کہ سعودی عرب نے ملکی کی معیشت کو استحکام دینے کے لیے پاکستان میں موجود اپنے 3 ارب ڈالر کے ڈپازٹ کی مدت میں مزید ایک سال کی توسیع کر دی ہے۔

تفصیلات کے مطابق اسٹیٹ بینک کی جانب سے جاری بیان میں کہا گیا کہ سعودی فنڈ برائے ڈویلپمنٹ (ایس ایف ڈی) نے مملکت سعودی عرب کی جانب سے 05 دسمبر 2023ء کو مدت مکمل کرنے والے 3 ارب ڈالر کے ڈپازٹ کی مدت میں مزید ایک سال کی توسیع کر دی ہے۔

یہ رقم اسلامی جمہوریہ پاکستان کی جانب سے اسٹیٹ بینک آف پاکستان (ایس بی پی) میں جمع ہے۔

اسٹیٹ بینک کا کہنا ہے کہ ڈپازٹ کی مدت میں توسیع مملکت سعودی عرب کی جانب سے اسلامی جمہوریہ پاکستان کو فراہم کی جانے والی معاونت کا تسلسل ہے، جس سے پاکستان کے زر مبادلہ کے ذخائر کو بر قرار رکھنے اور ملک کی معاشی ترقی میں مدد ملے گی۔

واضح رہے کہ 3 ارب ڈالر کے اس ڈپازٹ معاہدے پر ابتدائی طور پر سال 2021ء میں ایس ایف ڈی کے ذریعے اسٹیٹ بینک آف پاکستان کے ساتھ دستخط کیے گئے تھے اور پھر شاہی فرمان جاری ہونے کے بعد 2022ء میں اس کا اجرائے ثانی ہوا تھا جو دونوں برادر ممالک کے درمیان قریبی تعلقات کے تسلسل کا عکاس ہے۔