بلاول بھٹو نے کہا ہے کہ لاہورکے سیاستدانوں سے ڈرنے والے نہیں ہیں، چوتھی باربھی یہ وہی کریں گے جو پہلےکیااوربولیں گے مجھے کیوں نکالا۔

چیئرمین پیپلزپارٹی بلاول بھٹوزرداری نے لیاقت پورخان بیلہ میں جلسے سے خطاب کرتے ہوئے کہا کہ بڑی مشکل سے کل شیر نظر آیا۔ رحیم یار خان کے لوگوں کا جذبہ دیکھ کرشیر کہیں چھپنا نہ شروع کردے، ہم ڈرنے اور پیچھے ہٹنے والے نہیں ہیں۔ انشااللہ جیت آپ اور پیپلزپارٹی کی ہوگی۔

بلاول بھٹو نے کہا کہ ن لیگ کو ووٹ دے کراپنا ووٹ ضائع نہ کریں، ایسا نہ پو پی پی کارکنوں کی تعداد دیکھ کرشیردبارہ چھپ جائے، ڈٹ کرلاہورکے سیاستدانوں کا مقابلہ کریں گے۔ لاہورکے سیاستدانوں سے ڈرنے والے نہیں ہیں، انھیں صرف جوتھی مرتبہ کرسی پر بیٹھنے کی فکر ہے۔

انھوں نے کہا کہ پیپلزپارٹی کا مقابلہ کسی سیاسی جماعت سے نہیں، پیپلزپارٹی کا مقابلہ غربت اور مہنگائی سے ہے، 3 بار وزیراعظم بن کرعوام کا خون چوسا ہے، پہلی بارجس نے وزیراعظم بنایا اسی سے لڑپڑے، دوسری بار ان سے ٹکرائے جنہوں نے دوتہائی اکثریت دلوائی، چوتھی باربھی یہ وہی کریں گے جو پہلےکیااوربولیں گےمجھے کیوں نکالا۔

چیئرمین پیپلزپارٹی نے کہا کہ پیپلزپارٹی یہ الیکشن اپنے منشورپر لڑ رہی ہے۔ باقی سیاسی جماعتوں کے پاس نہ نظریہ ہے نہ ہی منشورہے، عوام مہنگائی اوربے روزگاری کی وجہ سے پریشان ہیں۔ ایک ہزار500ارب روپے کی سبسڈی ہرسال اشرافیہ کو دی جاتی ہے۔ ہم اشرافیہ کی سبسڈی بند کرکےعوام پرخرچ کریں گے۔

بلاول بھٹو نے جلسے سے خطاب میں مذید کہا کہ چیئرمین پیپلزپارٹی نے کہا کہ آپ ہمیں منتخب کرتے ہیں تو دس نکاتی ایجنڈے پرعمل کریں گے، میرے 10 نکاتی ایجنڈے کو گھر گھرپہنچائیں۔ پہلا وعدہ عام آدمی کی تنخواہ دگنی کردیں گے۔ 300 یونٹ بجلی مفت فراہم کریں گے۔